Тавантолгой-Зүүнбаян төмөр замын анхны 132.38У/М гүүрэн дээр зам төмөр угсарч дууслаа

“Монголын төмөр зам” ТӨХК-ийн хариуцан хэрэгжүүлж буй Тавантолгой-Зүүнбаян чиглэлийн 414.6 км төмөр замын төслийн хүрээнд нийт 27 гүүр барихаар төлөвлөсөн.

Тэгвэл Зүүнбаян-Тавантолгой чиглэлийн төмөр замын трассын 3 дахь буюу “ПК-369+011” цэгт байрших “Туулын гүүр далай” туслан гүйцэтгэгч компанийн хариуцсан 132.38 у/м гүүр дээр 09 дүгээр сарын 07-ны өдөр галт тэргээр зам төмөр тавьж турших ажил амжилттай зохион байгуулагдлаа.

“Туулын гүүр далай” ХХК-ийн ажлын явц өнөөдрийн байдлаар 98,99 хувьтай, харин нийт төмөр замын хэмжээнд төлөвлөгдсөн 27 гүүр барих ажил 76.81 хувьтай үргэлжилж байна.

27 гүүр нь нийт 2427,7 у/м байх ба 252 дам нуруу, 164 тулгуур, 956 өрөмдмөл шон сууриас бүрдэх юм.