Их Эеийг хойшлуулжээ

Монголын үндэсний бөхийн холбоо, Их Эе зохион байгуулах ажлын хэсгээс нийт аймгийн бөхийн холбоод, дэвжээд, бөхчүүдийн анхааралд мэдэгдэл гаргасан байна. Мэдэгдэлд есдүгээр сарын 19-нд товлогдсон МҮБХ-ны 5-р Их эеийн хурал тодорхой шалтгааны улмаас хойшлогдсоныг уламжилж, хурлын товыг жич зарлана гэжээ.

Тодорхой гэх шалтгаан нь чухам юу байсныг одоогоор хэн ч хөндөж асуугаагүй бололтой. Бөхчүүд 17 жил үргэлжилсэн талцал маргаандаа цэг тавихыг чармайж байгаа ч түүнийг сунжруулах нь хэн нэгэнд ашигтай байв уу? Эсвэл Үндэсний их баяр наадмаар шөвгөрсөн гурван бөхийн допингийн асуудлаас шалтгаалав уу?