Гуравдугаар эмнэлэг эмч, ажилчдадаа харилцаа хандлагын урамшуулал олгож эхэллээ

Улсын гуравдугаар төв эмнэлэг 2020 оны наймдугаар сарын 25-наас эхлэн “Эерэг хандлага-Эмчилгээний эхлэл” аяныг хэрэгжүүлж эхэлжээ.

Эрүүл мэндийн сайдын 2020 оны А/408 дугаар тушаалын хэрэгжилтийг хангах, эмнэлгийн мэргэжилтэн, эрүүл мэндийн ажилтны ёс зүй, хамт олны харилцаа хандлага, байгууллагын соёлыг сайжруулах зорилгоор хэрэгжүүлсэн уг аяны хүрээнд иргэдэд үйлчлэхдээ харилцаа, хандлагын зөрчилгүй, эмнэлгийн мэргэжилтний ёс зүйн хэм хэмжээг мөрдөн чин сэтгэлээсээ үйлчилгээ үзүүлж ажилласан эмч, эмнэлгийн ажилчдад сар бүр үндсэн цалингийн 10 хувийн урамшууллыг олгож эхэллээ.

Энэ нь иргэдэд үзүүлж буй эмнэлгийн тусламж үйлчилгээний чирэгдэл, гомдлыг бууруулах, төрийн үйлчилгээг түргэн шуурхай, чанар хүртээмжтэй үзүүлэхэд чухал түлхэц болох юм