Өнөөдөр 11 хүн эдгэрч дараагийн шатны ажиглалт руу шилжлээ

Монгол Улсад коронавирусийн батлагдсан тохиолдлын тоо 416 болсноос 328 эдгэрч дараагийн шатны ажиглалтад шилжсэн талаар Эрүүл мэндийн яамнаас мэдээллээ. Тодруулбал өнөөдөр ХӨСҮТ-өөс 11 хүн эдгэрч дараагийн шатны ажиглалт руу шилжсэн байна.

Өнөөдрийн байдлаар 83 хүнийг ХӨСҮТ-д эмчилж байна. Иймд ЭМЯ-наас иргэддээ амны хаалтаа тогтмол зүүж, гараа байнга ариутган цэвэр байлгаж, аль болохоор олон нийтийн газраар явахгүй, өөрийгөө болон хайртай дотны хүмүүсээ хамгаалахыг уриалж байна.