SPS: Испанийн Ла лигийг 11-р сарын 21-ээс шууд дамжуулна

Испанийн Ла Лигийн тоглолтыг албан ёсны эрхтэйгээр спортын төрөлжсөн “SPS” телевиз 11-р сарын 21-ээс шууд дамжуулна. Тодруулбал долоо хоног бүр 5 тоглолтыг шууд дамжуулан хүргэх юм.

Хөлбөмбөг сонирхогчид өмнө нь өөрсдийн эх орондоо дэлхийн шилдэг лигүүдээс ЕХБХ-ны Аваргуудын Лиг, Европа Лиг, Английн Премьер Лиг, Италийн Сери А, Германы Бундеслигийн тоглолтуудыг хүлээн авч байсан бол Испанийн Ла Лиг Монголд цоо шинэхэн контент юм.

Дэлхийн шилдэг хөлбөмбөгчний шагналыг хамгийн олон буюу 6 удаа хүртсэн Аргентины хөлбөмбөгчин Лионель Мессигээр ахлуулсан “Барселона”, Аваргуудын Лигийн хамгийн олон цомтой “Реал Мадрид” багуудын үнэнч фанатуудын хувьд энэ бол баяртай мэдээ байх нь гарцаагүй.