Улаанбаатарт 3, Орхонд 4, Сэлэнгэд 4, Дархан-Уулд 2 тохиолдол шинээр нэмэгдэж, дотоодын халдвар 275 боллоо

ЭМЯ-ны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа өчигдрийн 11:00 цагаас хойш хийгдсэн шинжилгээнүүдийн хариуг танилцууллаа.

Тэрбээр “Өчигдрийн 11:00 цагаас хойш улсын хэмжээнд нийт 4,176 хүнд шинжилгээ хийхэд 13 тохиолдолд халдвар илэрлээ. Улаанбаатарт 3 шинэ тохиолдол бүртгэгдсэн нь өмнөх батлагдсан тохиолдлуудын хавьтал болсон хүмүүс юм. Сэлэнгэд 4 тохиолдол нэмэгсэн нь мөн хавьтлын хүрээнээс илэрсэн. Дархан-Уул аймагт 2, Орхон аймагт 4 тохиолдол шинээр нэмэгджээ” гэдгийг хэлэв.

24 цагийн хугацаанд Говьсүмбэр, Дорноговь аймагт халдварын тохиолдол нэмэгдээгүй.

Дотоодод бүртгэгдсэн 275  халдвар: /2020.11.26-ны 11:00 цагийн байдлаар/

• Улаанбаатарт 63
• Дархан-Уул 22
• Дорноговь 18
• Орхон 23
• Говьсүмбэр 3
• Сэлэнгэ аймагт 148 байна.