АНУ-д НЭГ ӨДӨРТ 138 мянган шинэ тохиолдол илэрч, 819 хүн нас баржээ

COVID-19 халдвар дэлхийн 218 оронд тархаад буй юм. Өчигдөр буюу арваннэгдүгээр сарын 29-нд дэлхийн улс орнуудад коронавирусийн хэчнээн тохиолдол илэрснийг хүргэж байна.

АНУ-д өчигдөр 138,188 шинэ тохиолдол илэрч тус улсын нийт тохиолдол 13,750,404 боллоо. Харин нас барсан хүний тоо 819-өөр нэмэгдэж халдвараар нас барсан нийт хүний тоо 273,072-т хүрэв.

ОХУ-д 26,683 шинэ тохиолдол илэрч, нийт халдварын тохиолдол 2,269,316 боллоо. Харин халдвараар нас барагсдын тоо нэг өдөрт 459-өөр нэмэгдэж, нийт нас барсан хүний тоо 39,527 боллоо.

Энэтхэгт 39,036 тохиолдол илэрч нийт халдварын тоо 9,432,075 болов. Нэг өдөрт 444 хүн нас барсан ба халдварын улмаас нас барагсдын тоо нь 137,177 болжээ.

Итали улсад халдварын тоо нэг өдөрт 20,648-аар нэмэгдэж, нийт халдвар авагсад 1,585,178 болов. Нас барагсдын тоо өдөрт 541-ээр нэмэгдэж нийт 54,904 болов.

Мексикт 10,008 тохиолдол нэмэгдэж, нийт 1,100,683-т хүрлээ. Халдвараар нас барсан хүний тоо нэг өдөрт 586-аар нэмэгдэж, нийт 105,459 боллоо.