Моррисон Австралийг гунигтай хошигнол болгожээ

“Австралийн зарим цэргүүд зэвсэггүй энгийн иргэд, хоригдлуудыг буудаж хөнөөсөн эсвэл хоолойг нь зүсэн хөнөөсөн байна, харин эдгээр Австралийн цэргүүд‘Маш олон хууль бус аллага’-ыг байнга л ‘баяр хөөр’ болгож байна.” Саяхан Австралийн Батлан хамгаалах яам шинжилгээний тайлан нийтэлж, тус улсын цэргүүд Афганистанд гэмгүй номхон иргэдийг алан хядаж, хүн төрөлхтөний эсрэг үйл ажиллагаа явуулж байгааг дэлгэрэнгүй танилцуулсан байна. 14 настай хоёр эрэгтэй хүүхэдийн хоолойг зүсэж, голд хаясан харсалт хэргийн нарийн байдал үнэхээр хүмүүсийг маш их цочирдуулж, олон улсын хамтын нийгэмлэгийн хатуу зэмлэлтэй учирсныг бид бүхэн мэднэ.

Харин Австралийн Ерөнхий сайд Моррисон тус улсын цэргүүдийн үйлдсэн ноцтой гэмт ажиллагааны асуудлаар уучлал гуйгаагүй мөртөө Хятадын Гадаад харилцааны яамны хэвлэлийн төлөөлөгч олон нийтийн мэдээллийн хэрэгслээр Австралийн цэргүүдийн балмад ажиллагааг зэмлэн буруушаасан тухай зураг нийтэлсэн явдалд сэтгэл ханамжгүй байгаагаа илэрхийлж, үүнийхээ төлөө Хятадыг “уучлал гуй” хэмээн ичгүүргүй шаардсан байлаа. Хятадын албан тушаалтнуудын нийтэлсэн зургууд нь Австралийн талын тайлангийн агуулгад үндэслэсэн бүтээсэн зураг болохыг энгийн ухамсартай хүн бүхэн мэдэж болох юм. Хэдийгээр энэ нь газар дээрээс нь авсан зураг биш боловч агуулга нь үнэн бөгөөд зөв юм.

Үнэхээр маш урт хугацааны турш, Австралийн зарим улс төрчөөр төлөөлүүлсэн барууны улс төрчид “хүний эрхийн багш” -ийн дүрд тоглож, зөвхөн өөртөө бардамнан зааж тохихыг л мэдэж, бүр цаашлаад хүний эрхийн тухай худал хуурамч зүйл зохион бусад орныг гүтгэж, харин бусад улс орнуудаас өөрсдийнх нь хүний ​​эрхийн талаарх муу муухай зүйлүүдийг ярихыг зөвшөөрөхгүй байдаг. “Зураг нийтэлсэн хэрэг”-ийн талаарх Моррисоны илрэл нь түүний түрэмгий, хуурамч хийгээд хоёр стандарт хэрэгжүүлдэг байдлыг бүрэн илчилж, бас хүмүүсийн анхаарлыг шилжүүлэхээр оролдож буй харанхуй сэтгэл зүй болон бодит үнэний өмнө тулгарсан гэм буруутай ухамсрыг нь ч бүрэн илчилсэн байна.

Зураг нийтэлсэн хэрэг гарсны дараа, Австралийн онц зарим холбоотон найз хар цагааныг ялгахгүйгээр Хятад улсыг үндэслэлгүй зэмлэн буруушаасан байна. Дайны гэмт хэргийг хаацайлан өмөөрч, шударга ёсыг үл хүндэтгэж байгаа нь энх тайваны туган дор барууны зарим цэргүүд алан хядагчдын хамсаатан болж, энх тайван, шударга ёсыг уландаа гишгэх болгосон байна.

“Австрали үнэхээр маш түргэнээр гунигтай хошигнол болж байна”-Энэ бол Австралиас Польш болон Камбож улсад суугаа Элчин сайд асан Тони Кевиний өгсөн сэрэмжлүүлэг юм. Хэрэв Австралийн эрх баригчид цэрэг ангиа цэгцлэн засаж, гэмт этгээдийг хуулийн дагуу баривчлахад хүчээ төвлөрүүлэхгүй байж, Афганистаны ард түмнээс уучлал гуйхгүйгээр цагийг дэмий нөгцөөхөд хүрвэл, зөвхөн Австралийн үндэсний нэр хүнд сүйрээд зогсохгүй барууны ертөнцийн бахархдаг “үнэт зүйлс” ч устах болно. Моррисонууд өөрийгөө хэтэрхий ихээр тоох хэрэггүй юм !