СБД-ийн төрийн өмчийн 31 цэцэрлэгийн хүнсний нөөцөөс 740 хүүхдэд тусламж үзүүлжээ

СБД-ийн хэмжээнд үйл ажиллагаа явуулж байгаа төрийн өмчийн 31 цэцэрлэгийн хүнсний нөөцөөс багц бэлтгэж, 1-18 насны 740 хүүхдэд тусламж үзүүлсэн гэж тус дүүргийн ЗДТГ-аас мэдээллээ. Зорилтот бүлгийн иргэдэд олгож буй эдгээр хүнсний багцын дэмжлэгийг давхардуулалгүй олгож байгаа аж.

Өнөөдөр БСШУ-ны сайдын 2020 оны 11 дүгээр сарын 27-ны өдрийн “Хүнсний дэмжлэг үзүүлэх тухай” А/162 дугаар тушаал, дүүргийн Засаг даргын 2020 оны 12 дугаар сарын 07-ны өдрийн “Хүнсний дэмжлэг үзүүлэх тухай” А/403 дугаар захирамжийн хүрээнд цэцэрлэгийн хүүхдийн хоол хүнсэнд зарцуулахаар нөөцөлсөн хүнсний түүхий эд, бүтээгдэхүүнийг хоол, тэжээлийн дутагдалд орох эрсдэлтэй хүүхдүүдэд тусламж болгон хүргэх ажлыг зохион байгуулжээ.