Иргэдээ вакцинжуулсан үзүүлэлтээр Израиль улс дэлхийд тэргүүлж байна

Израиль улс 1 сая гаруй иргэнээ коронавирусийн эсрэг вакцинд хамруулснаар хүн амын тоотой харьцуулсан үзүүлэлтээр дэлхийд тэргүүлж байна.

Тус улс одоогоор гурав дахь удаагаа нийтийн хөл хорио тогтоогоод байгаа бөгөөд вакцинд эрчимтэй хамруулснаар удахгүй хөл хорионоос гарч, хоёрдугаар сар гэхэд халдварыг  ялан дийлэх төлөвлөгөөтэй байгаа аж.

Израильд одоогоор 100 хүн тутмын 11,5 хүнд вакцин хийжээ. Түүний араас Бахрейн 3,5, Их Британид энэ үзүүлэлт 1,5-тай байна.

АНУ 2020 оны төгсгөл гэхэд 20 сая иргэнээ вакцинд хамруулах төлөвлөгөөтэй байсан ч одоогоор 3 сая хүрэхгүй хүн вакцин хийлгээд байна. Германд вакцины эхний тунг 150 мянган хүнд тарьсан бол Францад 100 гаруй хүн л хийлгэжээ.

Эх сурвалж: ВВС