Баян-Өлгийд 3.1 магнитудын хүчтэй газар хөдлөлт боллоо

Баян-Өлгий аймагт өнөөдөр 18:07 цаг 47 секундэд 3.1 магнитудын хүчтэй газар хөдлөлт болсон талаар тус аймгийн Засаг даргын тамгын газраас мэдээллээ.

Тодруулбал, тус аймгийн Бугат сумаас зүүн хойд зүгт 13 км зайд /өргөрөг нь 49000’ уртраг нь 90018’/  газар хөдлөлт болсон байна.

“Чичирхийлэл аймгийн төвийн хүмүүст мэдрэгдсэн. Шалтгаан нь газар хөдлөлтийн эпицентрт ойрхон байрласантай холбоотой” гэж Баян-Өлгий аймаг дахь Одон орон геофизикийн хүрээлэнгийн салбараас мэдээлжээ.