Хас, Худалдаа хөгжлийн банкны хоёр ажилтан ойрын хавьтлаар тогтоогдож, шинжилгээ хийгдэж байна

Өнөөдөр 8 халдвар илэрсэн талаар ХӨСҮТ-өөс мэдээлсэн. Тодруулбал, ХӨСҮТ-ийн нэг эмч халдварт өртсөн бол бусад нь батлагдсан тохиолдлын ойрын хавьтлууд гэлээ.

Эдгээр хүний дунд Хас, Худалдаа хөгжлийн банкны нэг нэг ажилтан ойрын хавьтлаар тогтоогджээ. Энэ талаар ХӨСҮТ-ийн Тандалт, судалгааны албаны дарга А.Амбасэлмаа “Хас банкны таван хүнийг тусгаарласан. Хоёрдагч хавьтал 300-гаад хүний шинжилгээ хийгдэж байна. Худалдаа хөгжлийн банкны тандалт судалгаа өнөөдрөөс хийгдэж байна” гэсэн юм.