Олон талт үзэл хүн төрөлхтний ирээдүйн замыг гийгүүлнэ

Хятад улсын дарга Ши Жиньпин 25-ны орой Бээжинд Дэлхийн эдийн засгийн чуулга уулзалтын “Давосын хөтөлбөр” -ийн уулзалтад видео хэлбэрээр оролцон үг хэлэв.

Ши Жиньпин хэлэхдээ, цар тахал одоохондоо дуусаагүй, цар тахлын эсрэг тэмцэл мөн үргэлжилсээр байгаа юм. Гэхдээ хахир өвөл урьхан хаврын алхааг хориглож чадахгүй, харанхуй шөнө үүрийн гэгээг халхалж чадахгүй гэдэгт бид итгэлтэй байгаа. Хүн төрөлхтөн цар тахлыг лавтай ялж, тэмцлийн дунд ухааран дэвшиж, сэргэн мандана гэжээ.

Ши Жиньпин цохон тэмдэглэхдээ, дэлхий дээр бүрмөсөн адил хоёр навч байдаггүй гэхчлэн бүрмөсөн адилхан түүх соёл нийгмийн тогтолцоо байдаггүй. Олон орны түүх соёл болон нийгмийн тогтолцоо нь өөр өөрийн давуу талтай, сайн муугийн ялгаагүй юм. Харин хамгийн чухал нь өөрийн орныхоо бодит байдалд тохирсон эсэх, ард түмэн нь дэмжиж буй эсэх, улс төр нь тогтвортой байгаа эсэх, нийгэм нь дэвшилтэй байгаа эсэх, ардчилал нь сайжирсан эсэх, хүн төрөлхтний дэвшилт үйлсэд хувь нэмэр оруулсан эсэхээр нь хэмжих ёстой гэжээ.

Ши Жиньпин хэлэхдээ, улс орнуудын түүх соёл, нийгмийн тогтолцооны ялгаа нь эртнээсээ байсан бөгөөд хүн төрөлхтний соёл иргэншлийн дотоод шинж чанар юм. Олон талт чанар байхгүй юм бол хүн төрөлхтний соёл иргэншил байхгүй, олон талт чанар бол бодит байдал бөгөөд урт хугацааны турш орших болно гэжээ.

Тэр цохон тэмдэглэхдээ, ялгаа зөрөө аймшигтай биш, харин дээрэнгүй үзэл, өрөөсгөл үзэл, дайсагнах үзэл аймшигтай юм. Хүн төрөлхтний соёл иргэншлийг ялгаж салгаж гадуурхаж, өөрийнхөө түүх соёл болон нийгмийн тогтолцоог бусдад хүчээр тулгах нь аймшигтай юм. Олон орон харилцан хүндэтгэж, адил талаа нэгтгэж адил бус талаа нөөцөлсөн үндсэн дээр энх тайвнаар зэрэгцэн оршиж, олон орны солилцоог ахиулж, хүн төрөлхтний соёл иргэншлийн хөгжилд эрч хүч сэлбэх ёстой гэжээ.

Ши Жиньпин хэлэхдээ, олон улсын хамтын нийгэмлэг холыг бодож, амлалтаа биелүүлж, хөгжингүй орнуудын хөгжилд шаардлагатай дэмжлэг үзүүлэн, зүй ёсны хөгжлийн эрх ашгийг нь баталгаажуулан, эрх тэгш, боломж тэгш, дүрэм журам тэгш байхыг дэмжиж, улс орнуудын ард иргэдтэй хөгжлийн боломж болон ололт амжилтыг хуваалцах ёстой гэжээ.

Ши Жиньпин цохон тэмдэглэхдээ, хүн төрөлхтөнд нүүрлэж буй бүх асуудлыг аль орон дангаараа зохицуулах боломжгүй, эрхбиш дэлхий нийтээрээ хөдөлж, дэлхий нийтээрээ зохицуулж хамтран ажиллах ёстой гэжээ.

Ши Жиньпин цохон тэмдэглэхдээ, олон улсад жижиг бүлэглэл үүсгэж, шинэ хүйтэн дайны сэтгэхгүй гаргаж, гадуурхаж, заналхийлж, айлган сүрдүүлж, салж хагацаж, хангалтыг зогсоож, хориг тавьж, зориудаар тусгаарлах нь дэлхий дахиныг хагалан бутаргаж сөргөлдүүлэх замаар замнуулах болно гэжээ.

Ши Жиньпин хэлэхдээ, олон талт үзлийн гол санаа нь олон улсын үйл хэргийг бүгдээрээ зөвшилцөж шийдэх, дэлхийн хувь заяаг олон орнууд хамтаар шийдэх явдал юм. Бутран хагарсан дэлхий ертөнц хүн төрөлхтний хамтын сорилтыг зохицуулж чадахгүй, сөргөлдөх нь хүн төрөлхтнийг мухар гудамжинд оруулах болно. Энэ асуудал дээр хүн төрөлхтөн гашуун сургамжтай байсан юм. Бид тийм замаар хэрхэвч дахиж замнаж болохгүй гэжээ.
Тэр цохон тэмдэглэхдээ, олон улсын хамтын нийгэмлэг олон орны тохиролцсон нийтлэг дүрэм болон нийтлэг ойлголтоор засаглах ёстой, харин ганц юм уу цөөн хэдэн орон ноёрхох ёсгүй гэжээ.

Ши Жиньпин цохон тэмдэглэхдээ, дүрэм журмаар олон орны харилцааг зохицуулах ёстой, хүчирхэг нь буурайгаа дарамталж болохгүй, хэн чадалтай нь эзэн мэдэж болохгүй, олон талт үзлийн нэрээр ганц талт үзэл хэрэгжүүлж болохгүй гэжээ.

Ши Жиньпин цохон тэмдэглэхдээ, дүрмийг тогтоосон л бол бүгдээрээ журамлан сахих хэрэгтэй. Сонголттой олон талт үзлийг бид сонгож болохгүй гэжээ.

Ши Жиньпин цохон тэмдэглэхдээ, өнөөгийн дэлхий ертөнцөд сөргөлдөх нь гарах замгүй, хүйтэн халуун дайн, худалдааны дайн, шинжлэх ухаан технологийн дайн зэрэг нь эцэстээ олон орны ашиг сонирхлыг хохироож, ард түмний аз жаргалыг хохироох болно гэдгийг түүх болон бодит байдал бидэнд хэлж өгч байна гэжээ.
Ши Жиньпин цохон тэмдэглэхдээ, харилцан ашигтай хамтаар ашиг хүртэх үзэл баримтлалыг чанд мөрдөж, олон орны эрх тэгш хөгжих эрхийг баталгаажуулж, шударга өрсөлдөөнийг санаачилж, хоорондоо уралдаж, хамтаар дээшлэх хэрэгтэй. Харин харилцан дайрч бие биеэ устган тэмцэх хэрэггүй гэжээ.

Ши Жиньпин хэлэхдээ, дэлхий дахин зуун жилд тохиогоогүй өөрчлөлтөд нүүрлэж байгаа тул хөгжлийн цаг эрин бөгөөд өөрчлөлтийн цаг эрин юм. 21-р зууны олон талт үзэл нь төв ёсыг хамгаалах суурин дээр шинэчлэл хийж, олон талт үзлийн амин чухал үнэт зүйл болон үндсэн зарчмыг баримтлах ёстой дээрээ дэлхийн төлөв байдлын өөрчлөлтийн дагуу дэлхийн чанартай өрсөлдөөн сорилтыг зохицуулах шаардлагыг ханган зөвшилцөж, нийтлэг ойлголтоо төвлөрүүлэх суурин дээр дэлхийн засаглалыг шинэчлэн улам боловсронгуй болгох ёстой гэжээ.

Тэрээр хэлэхдээ, хүн төрөлхтөнд ашигтай зүйлийг Хятад улс зайлшгүй хийх бөгөөд сайн хийх болно. Хятад улс бодит үйл ажиллагаагаараа олон талт үзлийг хэрэгжүүлж, бидний хамтын гэр орноо хамгаалж, хүн төрөлхтний тогтвортой хөгжилд хувь нэмрээ оруулах болно гэжээ.

Тэрээр хэлэхдээ, шинжлэх ухаан технологийн үр дүн нь хүн төрөлхтөнд үр өгөөж хүртээх ёстой, харин хязгаарлал болж, бусад орны хөгжлийг хориглох арга хэлбэр болох ёсгүй юм. Хожих хожигдохыг эрхэмлэн хожсон нь дээрэлхэх нь Хятадын иргэдийн баримталдаг гүн ухаан биш юм. Хятад улс бие даасан энх тайван гадаад харилцааны бодлого хэрэгжүүлдэг бөгөөд улс орнуудтай найрсаг хамтран ажиллах харилцааг идэвхтэй хөгжүүлнэ гэжээ.
Ши Жиньпин хэлэхдээ, хөрштэйгөө сөргөлдөх үйлдэл, ганц талаараа тэмцэх бодол, дээрэлхэх зан чанар бүгд ялагдана！хүн төрөлхтөнд нэг л эх дэлхийтэй, хамтын ирээдүйтэй. Одоогийн хямралыг зохицуулах, ирээдүйн сайн сайхныг цогцлоход бид эв санаагаа нэгтгэн хамтран ажиллах ёстой. Бид бүгдээрээ хамтран олон талт үзлээр хүн төрөлхтний урагшлах замыг гэрэлтүүлж, хүн төрөлхтний хувь заяаны хамтын цогцыг байгуулахын төлөө үргэлжлэн зүтгэе гэжээ.