Дэлхийн хүн амын 16 хувийг эзэлдэг чинээлэг гүрнүүд нийт вакцины 60 хувийг захиалжээ

Дэлхийн хүн амын 16 хувийг эзэлдэг чинээлэг гүрнүүд дэлхийн нийт вакцины 60 хувийг захиалсан талаар Дюкийн их сургуулийн судлаач Андреа Тэйлор мэдээлжээ.

Вакцинжуулалтаа эхлээд буй АНУ, Канад, Их Британи зэрэг чинээлэг орнууд хүн амын тоогоо давах хэмжээний вакцин захиалсан гэж бичсэн байна. Нью-Йорк Таймсаас өнгөрсөн арванхоёрдугаар сард мэдээлснээр АНУ л гэхэд хүн амын тооноос 4 дахин их буюу 1,5 тэрбум, Их Британи 357 сая тун вакцин захиалсан талаар мэдээлсэн.

Гэхдээ захиалгын гэрээ хийсэн орнууд вакцинаа худалдаж аваад агуулахдаа хураагаад байгаа зүйл байхгүй бөгөөд тэдгээр улс орнууд ч хэдэн сараар эсвэл жилээр хүлээх шаардлага гарч байна гэжээ.

Ихэнх хөгжиж буй орнууд 2023 оноос өмнө вакцин авах боломжгүй байна гэв.

Хөгжиж буй орнууд вакцинжуулалтаа эхлүүлэхэд хэдэн жил шаардагдах магадлалтай гэж Economist Intelligence Unit эдийн засгийн судалгааны байгууллагын Агата Демарэ хэлжээ. Ихэнх хөгжиж буй орнууд 2023 оноос өмнө вакцин авах боломжгүй байна гэв.

Хамгийн түрүүнд вакцинаа авах улс орнуудыг ногоон өнгөөр тэмдэглэжээ. Улбар өнгөөр 2022 оны сүүлээр вакцинтай болох магадлалтай гэж үзэж байна.
Хамгийн түрүүнд вакцинаа авах улс орнуудыг ногоон өнгөөр тэмдэглэжээ. Улбар өнгөөр 2022 оны сүүлээр вакцинтай болох магадлалтай гэж үзэж байна.

Жоржтауны их сургуулийн профессор Лоурес Гостин “Үнэхээр ёс зүйгүй байна. Энэ нь чинээлэг орнуудын ашиг сонирхолтой ч зөрчилдөнө” гэжээ. Нью-Йоркер сайтад “Энэ их шунал дэлхий даяар коронавирус улам тархаж, вакцинд тэсвэртэй вирусийн шинэ хувилбар гарахад нөлөөлнө” хэмээн бичсэн байна.

Хоёрдугаар сарын 3-ны байдлаар дэлхий даяар нийт 92,8 сая тун вакцин тариад байна. /Вакцинуулалтын аян эхэлснээс хойш нэг хүн хэдэн ч тун вакцин хийлгэсэн байх магадлалтай тул 92,8 сая хүн гэж бичээгүй болно/

Эдгээрээс хүн амд ногдох вакцинжуулалтын үзүүлэлтээр Израиль улс дэлхийд тэргүүлж байгаа бөгөөд 9,3 сая хүн амтай тус улсад 5,09 сая тун вакцин тарьсан байна.

Мөн

АНУ-д 32,78 сая,
Хятадад 24 сая,
Их Британид 10,14 сая тун вакцин тарьжээ.
Вакцинжуулалтын үзүүлэлт /нийт хийсэн вакцины тун/
Вакцинжуулалтын үзүүлэлт /нийт хийсэн вакцины тун/

100 хүнд ногдох вакцинжуулалтын үзүүлэлтээр Израиль улс тэргүүлж байна
100 хүнд ногдох вакцинжуулалтын үзүүлэлтээр Израиль улс тэргүүлж байна

Эх сурвалж: Ourworldindata.org, VOX, NY Times