14978 хүнд PCR шинжилгээ хийхэд 34 хүнээс коронавирус илэрлээ

2021 оны хоёрдугаар сарын 6-ны өдөр улсын хэмжээнд 14978 хүнд  PCR шинжилгээ хийхэд 34 хүнээс коронавирус илэрлээ. Халдвар бүгд Улаанбаатарт бүртгэгдсэн. Халдвар авсан иргэдийн хавьтал болон шинжилгээ өгөх цэгүүдэд ирсэн иргэдээс коронавирус илэрч байна.

Сүүлийн 24 цагт 218 хүнийг тусгаарласан. Халдвар авсан иргэдийн ойрын хавьтал 958, хоёрдогч хавьтал 4700 гаруй хүн бүртгэгдлээ. Хавьтлуудын тоо нэмэгдэх тусам халдвар авах эрсдэл өндөр болох тул олон нийтийн газраар аль болох явахгүй байхыг анхааруулж байна. Сүүлийн 24 цагт 14 хүн эдгэрч эмнэлгээс гарлаа.