Д.Нямхүү өөрийгөө үндэслэлгүй халагдсан гэж үзэн, ШҮҮХЭД ХАНДЖЭЭ

ХӨСҮТ-ийн ерөнхий захирал асан Д.Нямхүү Сүхбаатар дүүргийн Иргэний анхан шатны шүүхэд нэхэмжлэл гаргажээ. Тэрбээр өөрийгөө  ажлаас үндэслэлгүй халагдсан гэж үзэж буй бөгөөд эргүүлэн томилуулах тухай нэхэмжлэл гаргаад буй юм байна.

Сануулахад, Эрүүл мэндийн өмнөх  сайд Т.Мөнхсайхан  өнгөрсөн нэгдүгээр сарын 21-ний өдөр тушаал гаргаж Д.Нямхүүг ХӨСҮТ-ийн ерөнхий захирлын ажлаас чөлөөлсөн.

Коронавирусний халдвартай, нялх биетэй эхийг “Өргөө” амаржих газраас ХӨСҮТ-рүү тээвэрлэхдээ ёс зүйн алдаа гаргасан гэх асуудал нийгмийн хүчтэй эсэргүүцэлтэй тулгарсантай холбоотойгоор түүнд хариуцлага тооцсон байдаг.