Хятад улс бодит үйл ажиллагаагаар вакцины тэгш хуваарилалтыг ахиулж байна

Дэлхийн Эрүүл Мэндийн Байгууллагын 21-нд нийтэлсэн сүүлийн үеийн мэдээллээс үзвэл, Дэлхийн хэмжээнд Ковид-19-ийн халдвараар 110 сая 749 мянга 23 тохиолдол бүртгэгджээ.

Ноднин жилийн эхээр дэлхий нийтийг цочирдуулсан Ковид-19 цар тахал нь шинэ он гарснаас хойш мөн л үргэлжилсээр байна. Үүний улмаар дэлхийн олон орнууд нийт ард иргэдээ вакцинжуулж, цар тахлыг үр ашигтай хяналтдаа авах арга эмжээ хэрэгжүүлж байна.

Одоогийн байдлаар дор хаяж гадаадын 8 орны төр засгийн тэргүүнүүд Хятадын вакциныг олон нийтэд нээлттэй тарьсан байна. Энэ бол Хятадын вакцины аюулгүй байдал ба үр дүнгийн тухай итгэж байгаа итгэл болох юм.

Тодруулбал, Турк, Сейшелийн арал, Иордан, Индонез, Перу, Чили зэрэг 8 орны удирдагчид Хятадын Ковид-19 цар тахлын эсрэг вакцинд хамрагджээ. Олон улс Хятадаас вакцин авахын тулд тусгай онгоц илгээж байгаа бөгөөд олон орны төр, засгийн газрын тэргүүн нар нисэх онгоцны буудал дээр биечлэн очиж, Хятадын вакциныг угтан авч байна. Гадаадын зарим орны удирдагчид Хятад улс вакцин хэрэгтэй байсан ч хөгжиж буй орнуудад эмнэлгийн тусламж үзүүлсээр байна гэж мэдэгджээ.

Эх сурвалжийн мэдээллээс үзвэл, саяхан “Вашингтон Пост” сонинд Хятадын вакцинууд хөгжиж буй орнуудад тахлыг даван туулах тэмцэлд сонголт өгсөн байна гэсэн нийтлэл нийтэлжээ. Үүнтэй холбогдуулан Хятадын ГХЯ-ны хэвлэлийн төлөөлөгч Хуа Чүнь-Ин хэлэхдээ, Хятад улсын вакцин чухал цаг мөчид холбогдох улс орнуудад яаралтай тусламж үзүүлж байгаад таатай байна гэжээ. Тэрээр хэлсэн үгэндээ, “Вакцины талаар Хятад улс олон улсын хамтын ажиллагаа хийж байгаагийн зорилго бол вакциныг дэлхийн нийтийн бүтээгдэхүүн болгоход байгаа юм. Вакцины үндсэрхэг үзлийг эсэргүүцэхийн тулд бүх улс орон гар бие оролцож, вакцины, ялангуяа хөгжиж буй орнуудад вакцины шударга, боломжийн хуваарилалтыг дэмжих ёстой гэж бид үзэж байна. Хятад улс холбогдох улс орнуудтай вакцины хамтын ажиллагаагаа үргэлжлүүлэн хөгжүүлж, дэлхий нийт цар тахлыг ялан давахад өөрсдийн хувь нэмрээ оруулах болно” гэж онцолжээ.

Хятад улс хэлсэндээ хүрч, вакцинаа дэлхийн нийтийн хэрэглээний бүтээгдэхүүн болгох тодорхой үйл ажиллагаагаар амлалтаа биелүүлж байна.

Өнөөгийн байдлаар Хятад улс хөгжиж буй 53 улс орнуудад вакцинаа хандивлаж, 22 улс оронд вакцин экспортолж, хөгжиж буй орнуудын яаралтай хэрэгцээг хангах үүднээс Ковид-19 цар тахлын эсрэг вакцины шинэ хэрэгжилтийн төлөвлөгөөнд 10 сая тун вакцин өгчээ. \Сэтгүүлч: Сайн-Өлзий\