Т.Тулга дэлхийн чансааны оноо олгох тэмцээний финалд шалгарлаа

Чөлөөт бөхийн дэлхийн чансааны оноо олгох Маттео Пелликонегийн нэрэмжит тэмцээн Италийн нийслэл Ром хотод болж байна. Тус тэмцээний 65 кг жингийн финалд Монголын шигшээ багийн тамирчин Т.Тулга финалд шалгарлаа.

Тэрбээр шөвгийн наймд өсвөр үеийн дэлхийн болон Европын аварга Туркийн Хамза Алачаг оноогоор цэвэр (10:0), хагас шигшээд Энэтхэгийн Рохитыг 4:0-ээр тус тус яллаа. Түүний өрсөлдөгч 20 настай Энэтхэг залуу 1/4 шигшээд ДАШТ-ий хүрэл медальт, Азийн хошой аварга, Ираны шилдэг бөхчүүдийн нэг Бехнам Эхсанпурыг 9:8-ээр ялаад байсан юм.

Ингэснээр манай бөх шигшээд “Нур-Султан-2019” ДАШТ-ийн хүрэл медалийн төлөөх барилдаанд харамсалтай ялагдсан Энэтхэгийн алдарт Бажранг Пуньятай хүч үзэхээр болов. Медалийн төлөөх барилдаан монголын цагаар шөнийн 01:00 цагт болно.