Самбо бөхийн Дэлхийн Цомд 21 орон оролцоно

Энэ сарын 25-26-нд Москвад А.Харлампиевийн нэрэмжит самбын Дэлхийн Цомын тэмцээн болох гэж байна. Тэмцээн үзэгчтэй, гэхдээ Лужники ордны бага танхимын 50 хувьд л үзэгч оруулах юм.

Дэлхийн Цомд Беларусь, Болгар, Грек, Гүрж, Египет, Казахстан, Камерун, Кипр, Марокко, Мали, Молдав, Польш, ОХУ, Румын, Серби, АНУ, Тажикстан, Узбекистан, Филиппин, Хорват, Швейцар гэсэн 21 орны тамирчид мэдүүлгээ өгчээ.

Энэ жилийн тэмцээний онцлог нь улсууд хоёр баг оролцуулах эрхтэй, шинэ жинд явагдана.

Эрэгтэй 58 кг, 64 кг, 71 кг, 79 кг, 88 кг, 98 кг, +98 кг эмэгтэй 50 кг, 59 кг, 54 кг, 65 кг, 72 кг, 80 кг, +80 кг; байлдааны самбо 58 кг, 64 кг, 71 кг, 79 кг, 88 кг, 98 кг, +98 кг жинд 21 багц медалийн төлөө өрсөлдөх юм.