“Apple” ирэх сард шинэ “iPad” загваруудаа танилцуулна

АНУ-ын “Apple” компани ирэх дөрөвдүгээр сард “iPad” шинэ загваруудаа танилцуулна гэж Блүмберг агентлаг эх сурвалж дурдан мэдээлжээ.

Эх сурвалжийн мэдээллээр, “Apple” компани “iPad Pro” цувралын процессор, камерыг сайжруулж, шинэчлэх гэнэ. Шинэ загварууд одоогийн “iPad Pro” ижил байх бөгөөд мөн 11, 12.9 инчийн ижил хэмжээтэй байх аж.

1976 онд үүсгэн байгуулагдсан “Apple” компани компьютер, утас, ухаалаг цаг, программ хангамж үйлдвэрлэдэг. Өнгөрсөн оны аравдугаар сард тус компани “iPhone 12”, “iPhone 12 mini” болон “iPhone 12 Pro”, “iPhone 12 Pro Max” зэрэг дөрвөн шинэ загвараа танилцуулсан билээ.