Хятад Оросын гадаад харилцааны сайд нар хамтарсан мэдэгдэл нийтлэв

Хятад, Орос хоёр орны гадаад харилцааны сайд нар 23-нд одоогийн дэлхийн засаглалын зарим асуудалд холбогдуулан хамтарсан мэдэгдэл нийтлэв. Хамтарсан мэдэгдэлд, КОВИД-19 халдвар үргэлжлэн газар авсаар буй нь олон улсын төлөв байдлын өөрчлөлтийг ширүүсгэж, дэлхийн засаглалын системийн тэнцвэрийг улам алдаглуулж, эдийн засгийн хөгжлийн үйл явц ноцтой цохилтод учирч, дэлхийн чанартай шинэ заналхийлэл, шинэ сорилтууд тасралтгүй нэмэгдэн, дэлхий нийт донсолгоо өөрчлөлтийн үед оров. Олон улсын хамтын нийгэмлэг санал зөрөлдөөнөө хойш тавьж, нийтлэг ойлголтоо төвлөрүүлэн, дэлхийн энх тайван болон гео стратегийн тогтвортой байдлыг хамгаалан, илүү шударга, ардчилсан, зүй зохистой олон талт олон улсын дэглэм болгон бүтээн байгуулахыг ахиулах нь зүйтэй гэв.

Уг хамтарсан мэдэгдэлд, хүний эрхийн асуудлыг улс төржүүлэхийг эсэргүүцэж, ардчилалын хэлбэрт нэгдэлтэй стандарт байхгүй гэдгийг онцлоод, бүрэн эрхэт улс орнууд бие даан хөгжлийн замаа сонгохыг хүндэтгэх ёстой гэжээ.

Улс орнууд бүгд ялгаагүйгээр НҮБ-аар гол болгосон олон улсын систем, олон улсын хуулиар үндэс болгосон олон улсын дэглэмийг хамгаалах ёстой. Дэлхийн том гүрнүүд ялангуяа НҮБ-ын Аюулгүйн зөвлөлийн байнгын гишүүн орнууд итгэлцлээ нэмэгдүүлэн, олон улсын хууль болон олон улсын хуулиар үндэс болгосон олон улсын дэглэмийг олны түрүүнд хамгаалах ёстой. Олон улсын улс төрийн донсолгоо ширүүсэж буй нөхцөл байдалд НҮБ-ын Аюулгүйн зөвлөлийн байнгын гишүүн орнуудын дээд хэмжээний хурлыг хуралдуулан, шууд яриа хэлцэл өрнүүлэхээр дамжин нийт хүн төрөлхтөний хамтын асуудлыг шийдвэрлэх арга замыг хайж, дэлхийн тогтвлортой байдлыг хамгаалах ёстой гэж хамтарсан мэдэгдэлд тэмдэглэжээ.

Хамтарсан мэдэгдэлд мөн олон улсын хамтын нийгэмлэг нээлттэй, эрх тэгш, үзэл суртлын бус олон талт үзлийн зарчимыг баримтлан хэрэгжүүлж, салан бутрах бус харин эв нэгдэлтэй байж, харилцан сөргөлдөх бус харин хамтран ажиллах хэрэгтэй юм гэжээ.