“Бүс ба зам” бидэнд юу өгөх вэ?

“Бүс ба зам”-ын санаачилга нь хамтын ажиллагааны хүрээгээ тэлж, хэлбэрийг нь шинэчлэн, агуулгыг нь баяжуулахыг дэмжсээр ирсэн бөгөөд хамтын ажиллагааны ашиг шимийг хуваалцах зорилготой юм. Сүүлийн жилүүдэд “Бүс ба зам”-ын хүрээнд Хятад Монгол хоёр орон бодлого солилцох, дэд бүтцээр холбогдох, худалдааг нэвтрүүлэх, хөрөнгө оруулалтыг дэмжих болон иргэдийн ойлголцоог нэмэгдүүлэх талаар бодитой үр дүнд хүрч байгаа юм:

Юуны өмнө бодлого солилцож, өргөн нийтлэг ойлголтод хүрснээр олон орнууд өөрийн хөгжлийн стратегиа “Бүс ба зам” санаачилгатай уялдуулж байна. Монгол улсын “Хөгжлийн зам” стратеги нь “Бүс ба зам” санаачилгатай уялдаатайгаар улс орныхоо хөгжлийг бүх талаар дэмжинэ гэдэгт итгэлтэй байна.

Банк санхүүгийн салбарын хамтын ажиллагаа улмаар өргөжиж байна. Азийн дэд бүтэц хөрөнгө оруулалтын банк нь “Бүс ба зам” санаачилгын чухал тулгуур хүчин юм. 2020 оны 7-р сарын 28-ны байдлаар, тус банк нийт 103 гишүүнтэй болсон бөгөөд Ковид-19-ийн цар тахлын нөхцөлд гишүүдийнхээ цар тахлын эсрэг тэмцэл, эдийн засгийн сэргэлтийг дэмжихэд зарцуулах зорилгоор 10 тэрбум ам.долларын тусламжийн санг байгуулж байсан бол тус сангийн цар хэмжээг 13 тэрбум ам.долларт хүртэл нэмэгдүүлжээ. Тус сангаас 12 улс оронд 6 тэрбум ам.долларын тусламж үзүүлсэн бөгөөд Монгол улсад анх удаагаа 100 сая ам.долларын зээл олгосон байна.

Хятад Монгол хоёр орны дэд бүтцийн салбарын хамтын ажиллагаа улам эрчимжиж байна. Дэд бүтцээр холбогдох нь Хятад Монгол Оросын эдийн засгийн хонгилын бүтээн байгуулалтын чухал агуулга юм. Зүүн Хатавч- Бичигт, Ганц Мод- Гашуун Сухайт, Эрээний боомт зэргийн төмөр зам, авто замын бүтээн байгуулалт, дээрээс нь агаарын нислэгүүд, цахилгаан эрчим хүчний дэд бүтэц, Хятад Европын ачааны галт тэрэг зэрэг салбарт хамтран ажиллаж байгаа юм.

Цар тахлын нөхцөлд дэлхийн худалдаа эдийн засгийн хөгжил тааруу байгаа боловч аажмаар сэргэх хандлагатай болж байна. Өвөр Монголын хувьд Монгол , Орос нь түүний чухал худалдааны түнш юм. Хөх Хотын Гаалийн саяхан гаргасан статистик тоо баримтаас үзвэл, энэ оны эхний хоёр сард ӨМ-ын гадаад худалдааны импорт экспорт нийт 19 тэрбум 310 сая юаньд хүрсэн нь өнгөрсөн оны мөн үеийнхээс 11.5%-иар нэмэгдсэн үзүүлэлт юм. Үүнээс “Бүс ба зам”-ын орнууд хоорондын импорт экспорт нь 11 тэрбум 330 сая юаньд хүрч, өнгөрсөн оны мөн үеийнхээс 31%-иар нэмэгдэж, нийт хэмжээнийхээ 58.7%-г эзэлжээ. Монгол улс хоорондын импорт экспортын хэмжээ нь 5 тэрбум 240 сая юаньд хүрч, өнгөрсөн оны мөн үеийнхээс 56.5%-иар нэмэгдэн, нийт хэмжээнийхээ 27.2%-г эзэлжээ.

Сүүлийн жилүүдэд Хятад улс “Бүс ба зам” дагуух улс оронд засгийн газрын тэтгэлэгтэйгээр оюутнуудыг урьж суралцуулж байгаа бөгөөд визийн талаар хөнгөлөлттэй бодлогуудыг хэрэгжүүлж байгаа юм. “Бүс ба зам” санаачилгын хүрээнд Хятад Монгол хоёр орны Улаан загалмайн нийгэмлэг хамтран олон төсөл хэрэгжүүлж, Монгол улсын хүнд өвчтэй хүүхдүүдэд хүмүүнлэгийн тусламж үзүүлж байгаа бөгөөд 2019-2023 оны хугацаанд 1000 хүнийг нүдний эмчилгээнд хамруулан, хараатай болгохын төлөө ажиллаж байна.

Энэ жилийн хоёр чуулганы үед Монгол улсаас Хятад улсад суугаа элчин сайд Т. Бадрал манай сэтгүүлчид өгсөн ярилцлагадаа: Монгол улсын “Хөгжлийн зам”-аа “Бүс ба зам”санаачилгатай уялдаатай хөгжүүлэн хэрэгжүүлнэ гэсэн юм. Вакцинд хамрагдаж, цар тахлыг ялан давахын хирээр улс орнуудын хамтын ажиллагаа эрчимжиж, худалдаа эдийн засаг худацтай сэргэнэ гэдэгт найдаж байна.

Одоогийн дэлхий ертөнцөд тулгарч буй олон асуудал, мөргөлдөөн, хямралын эх үүсвэр нь хөгжил гүйцэд бус, тэнцвэргүй байдалтай холбоотой юм. “Бүс ба зам”-ын хамтын ажиллагааг санаачилсны анхны зорилго нь харилцан хүндэтгэж, эрх тэгш, харилцан ашигтай зарчмыг даган мөрдөж, холбогдох улс орнуудтай хамтран ажиллаж, эдийн засгаа хөгжүүлж, ашиг шимийг нь хуваалцах явдал юм.

Сарантуяа