Буриадад Өндөр гэгээн Занабазарын хайр, дурлалын тухай балет тавина

Буриадад Өндөр гэгээн Занабазарын хайр, дурлалын тухай балет үзэгчдийн хүртээл болох гэж байна. Өндөр гэгээн Занабазар бол Монгол улсын төр-нийгэм, шашин-соёлын нэрт зүтгэлтэн, шарын шашны анхны тэргүүн буюу анхдугаар Богд Жавзандамба хутагт билээ.

Буриадын Дуурь, бүжгийн театрт балетмейстер Александр Мишутины “Лик богини” балет энэ сарын 29-30-нд тавигдана.

“Лик богини”-д Өндөр Гэгээний эмгэнэлт дурлалын тухай өгүүлэх юм. Зохиолд өгүүлснээр Занабазар нэгэн бүсгүйд дурлах өагаад Түвдийн лам нар түүний дурлалыг нүгэл хэмээн үзэж, бүсгүйг хөөхийг шаардана. Занабазар татгалзсан ч лам нар түүний хайртыг хорлон алж байгаа нь гарна.