“Бүс ба зам” олон улсын хамтын ажиллагаа өндөр түвшинд хөгжиж байна

2013 оны намар БНХАУ-ын дарга Ши Жиньпин гадаад дотоодын хөгжилд анхаарлаа хандуулж, “Бүс ба зам”-ын хамтарсан бүтээн байгуулалтын томоохон хамтын ажиллагааны үзэл баримтлалыг дэвшүүлсэн байдаг.

Өнгөрсөн 8 жилийн хугацаанд “Бүс ба зам”-ын санаачилга нь үндсээ дэлгэрүүлэн цэцэглүүлж, цогц дэвшилтэт шатанд шилжиж, олон улсын нэр хүндтэй төсөл болж, түүхэн цаг хугацаа, орон зайд Хятадын ул мөрийг гүнзгий сийлсэн билээ.

“Бүс ба зам” санаачилга нь бүрэн бүтэн систем болох төдийгүй өргөн хүрээтэй зөвлөлдөх, ашиг тусыг хуваалцсан, хамтарсан хувь нэмэр оруулах үндсэн зарчмуудыг баримтлах зэрэг институцийн зохицуулалтыг багтаажээ. Үүний зэрэгцээ “Бүс ба зам”-ын хамтарсан бүтээн байгуулалт нь ажил хэрэгч хамтын ажиллагааны хүчтэй онцлог шинж байгаа бөгөөд дэд бүтцийн бүтээн байгуулалт, худалдаа, хөрөнгө оруулалтыг хөнгөвчлөх олон арга хэмжээ, олон улсын үйлдвэрлэлийн хүчин чадлын хамтын ажиллагаа болон бусад төслүүдийг хэрэгжүүлж, үүнд их хэмжээгээр өсөж буй хөрөнгө оруулалт багтаж байна. Энэ шалтгааны улмаас Хятад улс Азийн Дэд Бүтцийн Хөрөнгө Оруулалтын Банк, Торгоны Замын Сан байгуулах санаачилгыг гаргажээ.

Үүнтэй холбогдуулан БНХАУ-тай “Бүс ба зам” хамтын ажиллагааны гэрээнд гарын үсэг зурсан орнуудын тоо дэлхийн нийт тусгаар тогтносон, бүрэн эрхт улсуудын 70 гаруй хувийг эзэлж байна. Үүний дотор Африк дахь “Бүс ба зам”-ын бүс нутгийн хамтарсан бүтээн байгуулалтад оролцож буй орнууд нийт улс орнуудын 85 гаруй хувийг эзэлж байгаа бөгөөд энэ хувь хэмжээ Азид 80 орчим хувь, Далайн орнуудад 70 гаруй хувь, Европын орнуудад 60 орчим хувьтай байна. харьцангуй бага хувьтай Латин Америкт энэ хувь 57% хүрсэн ажээ.

Хөрөнгө оруулалтын хувьд Хятадын “Бүс ба зам” дагуух улс орнуудад оруулсан хөрөнгө оруулалт 100 тэрбум америк доллараас давсан бөгөөд “Бүс ба зам” -ын бүх оролцогч орнуудад оруулсан хөрөнгө оруулалтын нийт хэмжээ үүнээс ч өндөр байна.

Худалдааны хөгжлийн хэтийн төлөвөөс харахад 2019 оныг л жишээ татахад Хятад улс, тэр дундаа “Бүс ба зам” хамтын ажиллагааны баримт бичигт гарын үсэг зурсан 138 орон хоорондын барааны худалдааны нийт хэмжээ 1.9 их наяд ам.доллар байсан нь Хятадын нийт худалдааны 41.5% -ийг эзэлж байна. 2020 онд Хятад ба АСЕАН-ны орнуудын худалдааны хэмжээ 7% -иар өсөж, Дэлхийн Банкны судалгааны үр дүнгээс харахад, “Бүс ба зам” дагуу эдийн засгийн зургаан том коридор байгуулагдсанаар коридор дагуух орнуудын худалдаа 2.8% -9.7% -иар өсөж, дэлхийн худалдаа 1.7% -6.2% хувиар өсжээ.

Сэтгүүлч: Сайн-Өлзий