Хятад Оросын стратегийн хамтын ажиллагаа нягтрах тусам дэлхийн тогтвортой байдал улам илүү баталгаажина

БНХАУ-ын дарга Ши Жиньпин 6-р сарын 28-нд Бээжингээс ОХУ-ын ерөнхийлөгч В.Путинтай видео уулзалт хийв. Хоёр орны төрийн тэргүүн нар хамтарсан мэдэгдэл нийтэлснээ мэдэгдэн, “БНХАУ, ОХУ-ын сайн хөршийн найрсаг хамтын ажиллагааны гэрээ”-ний хугацааг сунгах албан ёсны шийдвэр гаргажээ. Зуун жилд тохиолдоогүй цар тахлын халдвар нь дэлхийн шинж чанартай өрсөлдөөнийг даамжруулсан нөхцөл байдалд, энэ гэрээний хугацааг сунгасан явдал нь Хятад, Оросын шинэ эриний бүх талын стратегийн хамтын ажиллагааны түншийн харилцааны асар их амьжиргааны хүчийг гэрчилсэн төдийгүй дэлхийн аюулгүй байдал, тогтвортой байдлыг хамгаалахад ч эерэг хүчин сэлбэв.

20 жилийн өмнө, “БНХАУ, ОХУ-ын сайн хөршийн найрсаг хамтын ажиллагааны гэрээ”-нд гарын үсэг зурагдсан нь Хятад, Оросын харилцааны түүхэн дэх нэгэн том чухал үйл явдал болсон байв. Тус гэрээ нь хоёр тал харилцан нөгөө талынхаа хамгийн том хөрш орон болох найрсаг хамтын ажиллагааны үндэс суурийг тавьсан юм. Тухайн үед, Хятад Орос үүгээр дамжин шинэ холбоотны харилцаа байгуулах болно хэмээн өрнөдийнхөн цуурхал гаргаж байв. Гэтэл 20 жилийн туршид Хятад, Оросын хамтын ажиллагаа ямагт холбоолохгүй, эсэргүүцэлдэхгүй, гуравдагч талд чиглэхгүй байх байр сууриа баримтлан, ямагт харилцан нөгөө талынхаа амин чухал ашиг сонирхолыг хүндэтгэж, нөгөө талынхаа анхаарал хандуулж буй талыг харилцан дэмжиж, дэлхийн том гүрнүүдийн харилцааны цоо шинэ замыг нээснийг бодит хэрэг гэрчлэн нотоллоо. Энэ нь хоёр орны хамтын ашиг сонирхолыг хамгаалсан төдийгүй дэлхийн энх тайван, аюулгүй байдлыг хамгаалахад ч чухал хувь нэмрээ оруулсан юм.

Өдгөө олон улсын улс төр, эдийн засгийн төлөв байдал улам ээдрээтэй болж байна. Гэрээний агуулга нь цаг үеэсээ хоцроогүй бөгөөд харин ч шинэ агуулга нэмэрлэжээ. Хятад, Орос хоёр тал гэрээний хугацааг сунгахаар шийдсэн нь хоёр орны бодлого тогтоогчид стратегийн өндөрлөгөөс бүх талын хамтын ажиллагааг гүнзгийрүүлэхийн улс төрийн нийтлэг ойлголт, улс төрийн итгэлцлийг бүрэн гүйцэд харуулж, түүнчлэн хоёр орны харилцааны алс ирээдүйн хөгжил болон хоёр орны ард түмний эрин үеийн найрамдалд илүү бат бөх үндэс суурийг тавих болно.

Хятад, Оросын төрийн тэргүүн нарын уулзалт, тэрчлэн хоёр талын нийтэлсэн хамтарсан мэдэгдэл нь бүгд ноёлогч үзэл, ганц талт үзлийг тодорхой эсэргүүцэж, харилцан нөгөө талынхаа амин чухал ашиг сонирхолыг гуйвшгүй дэмжихээ илэрхийлсэн байна. Өрнөдийн зарим орнуудын өөрийн тогтолцоогоо олон улсын тогтолцоог тодорхойлохоор зорьсон хий санаархалтай харьцуулахад, Хятад Оросын хамтаар хамгаалж буй шударга зүй зохистой олон улсын дэглэм нь дэлхийн дийлэнх орнуудын хамтын ашиг тусыг хамгаалж байгаа юм.

6-р сарын 28-нд гарын үсэг зурсан хамтарсан мэдэгдэлд, Хятад Орос хоёр тал олон төрлийн хамтын ажиллагаа хэрэгжүүлэхээр зөвшилцөн тохирчээ. Үүнд хоёр талын худалдааны хэмжээг өсгөх, стратегийн бөгөөд ерөнхийлсөн шинж чанартай эрчим хүчний хамтын ажиллагааг нэмэгдүүлэх, шинжлэх ухаан технологийн инновацийн салбарын хамтын ажиллагааг чангатгах, Бүс ба зам санаачилга болон Европ Азийн эдийн засгийн холбооны холбохыг ахиулах гээд хамтын ажиллагааны олон агуулга багтсан байна. Эдгээр нь хоёр талын ашиг тусад нийцэх төдийгүй дэлхий нийтийн түншлэлд ч ашигтай юм.

ОХУ-ын хувьд хөгжин дэвшсэн, тогтвортой Хятад улс хэрэгтэй, Хятад улсын хувьд хүчирхэгжсэн, амжилтад хүрсэн ОХУ хэрэгтэй гэдгийг практик нотоллоо. Харин дэлхий нийтэд, Хятад Орос энэ хоёр том гүрэн эерэг энерэг нэмэрлэж, тогтвортой байдлыг бий болгох явдал шаардагдаж байгаа юм. Үүнээс харахад, хүн төрөлхтөний хөгжил олон олон хямралд тулгараад байгаа өнөө үед Хятад Оросын стратегийн хамтын ажиллагаа улам нягтрах тусам дэлхийн аюулгүй, тогтвортой байдал улам баталгаажиж чадах юм.