12-оос дээш насны 123,178 хүүхэд, 3,395 жирэмсэн эмэгтэй, хөхүүл 2,063 эх COVID-ийн эсрэг вакцинд хамрагджээ

Өчигдөр 4,806 хүн коронавирусийн эсрэг вакцинд хамрагджээ.

Үүнээс 3,917 нь Улаанбаатар хотод, 889 хүн орон нутагт дархлаажуулалтад хамрагдсан байна.

Манай улс 12-оос дээш насны иргэдээ сайн дурын үндсэн дээр коронавирусийн эсрэг Pfizer вакцинаар дархлаажуулж байгаа.

Өнөөдрийн байдлаар нийт 2,066,119 хүн вакцины нэгдүгээр тунг хийлгээд байгаа. Үүнээс 1,761,298 хүн бүрэн тундаа хамрагджээ.

Өөрөөр хэлбэл, манай улсын нийт хүн амын 54.1 хувь нь вакцины бүрэн тунг аваад байна.