Тал нутгийн хувьсгалын голомт газар хэмээгдсэн Дахилт

Өвөр Монголын Ордос хотын Отогийн Өмнөд хошууны Дахилт нутаг нь ӨМӨЗО, Нинсягийн Хотон үндэстний өөртөө засах орон, Шааньши мужийн зааг дээр байрладаг. Хятадын төв улаан армиас Өвөр Монголд байгуулсан анхны зөвлөлтийн эрхийн чухал газар юм.

Түүхэнд Хятадын Коммунист Намын Төв Хороо ба төв улаан арми Шааньши мужийн хойд бүсэд хүрсний дараа тухайн үеийн Их Зуу аймгийн Дахилтад хувьсгалын суурин газрыг байгуулж, үүний үндсэнд үндэстний ажлыг гардан хийж, чухал амжилтад хүрчээ. Их Зуу аймаг болон Хятадын баруун бүсийн бусад үндэстний цөөнхийн нутагт үндэстний чөлөөлөлтийн үйлст томоохон хувь нэмэр оруулсан юм.

Дахилтын хувьсгалын түүхэн музей нь Дахилтын ажлын хорооны хуучин сууринд байгуулагдсан бөгөөд нийт талбай нь 3696 хавтгай дөрвөлжин метр, “Хувьсгалт засаг”, “Эв нэгдэлтэйгээр Японы түрэмгийллийн эсрэг тэмцсэн түүх”, “Чөлөөлөлтийн үйл ажиллагаанд нэгдсэн түүх” зэрэг гурван хэсгээс бүрдэж, ХКН, ахмад үеийн хувьсгалчдын Дахилтын хувьсгалын суурин газарт үндэстний ажил өрнүүлсэн түүхэн үйл хэргүүдийг хүүрнэн харуулав.