Вакцинжуулалтын явцыг хянаж аюулгүй байдлыг баталгаажуулж байна

Цар тахлын олон улсын тархалтын байдал, халдварт өвчнөөс урьдчилан сэргийлэх, хянах арга туршлагаас үзэхэд вакцинжуулалтыг түргэтгэх нь цар тахлаас сэргийлэх хамгийн үр дүнтэй арга хэмжээ болоод байна. Хятад улс одоогийн байдлаар Ковид-19-ын эсрэг вакцинжуулалтыг аюулгүй, эмх цэгцтэй хийж байна. Хятадын Эрүүл мэндийн үндэсний комиссын хамгийн сүүлийн үеийн мэдээллээр 3-р сарын 27-ны өдрийн байдлаар Хятад улс нийт 102.417 сая тун вакциныг тарьсан байна.

Вакцинжуулалтыг түргэтгэхэд аюулгүй байдлыг анхааран үзэх ёстой. Өнөөгийн байдлаар вакцинжуулалтын ажил “Өдөрт нэг тайлан, долоон хоногт нэг зохицуулалт, хагас сард нэг мэдэгдэл” гэх шаардлагын дагуу явагдаж байна хэмээн Хятадын Эрүүл мэндийн үндэсний комисс мэдээллээ. Мөн вакцины тунгийн зөөвөрлөлт зэргийг холбогдох байгууллагууд нягт хянан шалгаж байна.