Их Британийн хатан хааны нөхрийн оршуулгын өдрийг гаргав

Орон нутгийн цагаар 4-р сарын 10-нд Их Британийн хэвлэл мэдээллийн хэрэгслүүд  мэдээлэхдээ, Их Британийн хатан хааны нөхөр, ханхүү Филиппийг оршуулах ёслол орон нутгийн цагаар 4-р сарын 17-ны 15:00 цагт Лондон хотод болно. Тэр үед ханхүү Филиппийн “Агуу их хувь нэмэр, мөнхийн өв залгамжлал”-ыг дурсаж оршуулах ёслолын шууд нэвтрүүлэг хийх болно гэжээ.

Оршуулгын ёслолыг Виндзор цайз дахь Гэгээн Жоржийн сүмд хийх бөгөөд оршуулах ёслол эхлэхээс өмнө улс даяар 1 минут номхон зогсож, хүндэтгэл үзүүлэх болно. Түүний шарилыг өөрийнх нь загварчлан зохион бүтээсэн Ланд Ровер машинаар хүргэх бөгөөд цар тахлын улмаас иргэд оршуулгын ёслолд оролцох боломжгүй юм байна.