Токиогийн олимпыг үзэгчгүй олимп болох боломжтой

Синьхуа агентлагийн мэдээ, Токиогийн Олимпын зохион байгуулах хорооны дарга Сэйко Хашимото 28-нд хэлэхдээ, цар тахлыг үр ашигтай хяналтдаа авч чадахгүйд хүрвэл Токиогийн олимп үзэгчгүй зохион байгуулагдах боломжтой гэжээ.

Сэйко Хашимото мөн өдөр болсон хэвлэлийн бага хурал дээр хэлэхдээ, цар тахал даамжирч эмчилгээний системд асуудал гарахад хүрвэл аюулгүй байдлыг хамгийн өндөр байранд тавьж, үзэгчгүй олимпыг зохион байгуулах болно гэжээ.

Японы олимпын хорооны дарга Ёширо Мори 1 сарын эхээр Олимпын хэлбэр өөрчлөгдөж магад, үзэгчгүй олимп хийж магад гэжээ.

Цар тахлаас сэргийлэхэд хамгийн сүүлчийн гарын авлагын дагуу, тамирчид олимпын хугацаанд Японы бусад жуулчлалын газраар аялахыг хориглох бөгөөд олон нийтийн ресторан, дэлгүүр худалдаагаар орохгүй байх, олон нийтийн автобуст суухыг хориглох болно.

Японы NHK-ийн 28-нд мэдээлснээр, Японд Ковид-19-ын халдвараас болж нас барсан хүний тоо 10 мянгыг давж, нас барсан хүн 5 мянгаас 10 мянга болоход гуравхан сарын хугацаа хэрэгссэн байна.