Бидэнтэй нэгд

Улс төр

Хоёр цагдаагийн хэргээс Х.Нямбаатар зугтаж, Ц.Нямдоржоор “бамбай” хийв

Нийтэлсэн

Төрийн цагдаа иргэдээ зодож, танхайрч байгаа бичлэг олон нийтийн сүлжээнд цацагдсан нь олон хүний эгдүүцлийг хүргэж, тэрхүү бичлэгийг үзсэн хүн бүр цахим орчинд үзэл бодлоо уралдуулж байна.

Эл асуудалд Монгол Улсын Ерөнхий сайд Л.Оюун-Эрдэнэ хүртэл анхаарлаа хандуулж, тухайн хоёр цагдаагийн албан хаагчдад хариуцлага тооцохыг Хууль зүй, дотоод хэргийн сайд Х.Нямбаатарт үүрэгдлээ.

Нэгэнт Х.Нямбаатар сайд Засгийн газрын тэргүүнээсээ үүрэг, чиглэл авсан тул ЦЕГ-аас дотоод, хяналт шалгалтыг явуулж, хэргийн мөрдөн шалгах ажиллагааг эхлүүлээд байна.

Цахим орчинд түгсэн иргэдийг дарамталж, биед нь халдаж байгаа бичлэг дээр гарч байгаа хоёр цагдаа үгсэж, хэргээ нуун дарагдуулсан болох нь шалгалтын явцад тодорхой болжээ. Гэхдээ уг бичлэг нь хоёр жилийн өмнө болсон үйл явц гэдгийг ЦЕГ-аас өнөөдөр /2021.07.30/ хийсэн мэдээлэлдээ тодотголоо.

Өөрөөр хэлбэл, өнөөдөр ЦЕГ-ын Аюулгүй байдал, дотоод хяналт шалгалтын хэлтсийн дарга, хурандаа Д.Манлайбаатар “Өчигдөр 21:00 цагийн үед цагдаагийн албан хаагч иргэдийн биед халдаж байгаа бичлэг цацагдсан. Энэ үйлдэл нь 2019 оны хоёрдугаар сарын 25-ны өдрийн бичлэг. Чингэлтэй дүүргийн нутаг дэвсгэрт болсон. Нэр бүхий иргэдийн биед халдсан нь тогтоогдсон. Бүртгэлд оруулалгүй, нуун дарагдуулсан байсан. Шалгах ажиллагааг дотоод албаны хүрээнд хийгдлээ. Мөрдөн шалгах ажиллагаа явуулж, гэмт хэргийн шинжтэй байна гэж үзсэн. Улмаар прокурорын хяналтад АТГ-т шалгуулах саналыг хүргүүллээ” гэх мэдээллийг өгөөд байна.

Тэгвэл Хууль зүй, дотоод хэргийн сайд Х.Нямбаатар эл хэрэгт өөрийн байр сууриа илэрхийлжээ.

Тэрбээр цахим сүлжээндээ “Цагдаагийн байгууллагад хүний эрхийг дээдэлж, хүнлэг энэрэнгүй байх явдлыг нэн тэргүүнд тавьж, ажиллахыг үүрэг болгосоор ирсэн. Намайг ажил авахаас өмнөх бичлэг тарааж олон нийтийн бухимдал үүсгэж байгаад харамсаж байна” гэжээ.

Харамсалтай нь хуулийн сайдын дээрх тайлбар, байр суурь олон нийтэд таалагдсангүй. Нөгөө талд Хууль зүй, дотоод хэргийн сайд Х.Нямбаатар хариуцлагаас зугтаж, өмнөх сайд Ц.Нямдоржийн үед болсон үйл явдлыг гарган ирж, өөрийнх нь цаг үед сэвж байгаад харамсаж байгаагаа илэрхийлэв.

Учир нь, иргэдийн биед халдаж, танхайрч байгаа хоёр цагдаад хариуцлага тооцоод зогсохгүй энэ салбарыг удирдаж, бодлого зангидаж суугаа сайдад нь хүртэл хариуцлага тооцох ёстой гэж олон хүн үзэж, тэр хэрээр үзэл бодлоо илэрхийлсээр байгаа юм.

Гэвч эл бүхэнд Хууль зүй, дотоод хэргийн сайд Х.Нямбаатар “Надад хамаагүй, Ц.Нямдоржид хамаатай” гэх утгатай байр суурийг илэрхийлээд байна.

CGTN мэдээ1 өдөр өмнө

Хятадын оюутнуудын эсрэг хориг — Америкийн өөрийн хөгжилд сүүдэр хаяж байна

CGTN мэдээ1 өдөр өмнө

АНУ боловсролыг “боомилж” байна

CGTN мэдээ4 өдөр өмнө

Ли Чян эдийн засгийн форумын нээлтэд оролцож үг хэлэв

CGTN мэдээ4 өдөр өмнө

Дэлхийн роботын тулааны тэмцээн амжилттай өндөрлөлөө

CGTN мэдээ5 өдөр өмнө

Ши Жиньпин Фу Дань их сургуулийн 120 жилийн ойд баяр хүргэв 

CGTN мэдээ5 өдөр өмнө

Номхон далайн арлын орнуудын Хятадын талаарх санал асуулгын жагсаалтыг гаргав 

CGTN мэдээ5 өдөр өмнө

Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги

Боловсрол6 өдөр өмнө

П.Наранбаяр: Цалин нь бага учраас эрэгтэй багшийн тоо ихээхэн цөөрсөн

Улс төр6 өдөр өмнө

Ажлын таван өдөр УИХ-ын нэгдсэн чуулган бүтэн хуралдана

Нийгэм6 өдөр өмнө

Ц.Лут-Очирын биед учирсан хохирлыг тогтоохоор шинжээч томилжээ

Улс төр6 өдөр өмнө

Бүгд Найрамдах Австри Улсын Ерөнхийлөгчийг албан ёсоор угтаж авлаа

Энтертайнмент6 өдөр өмнө

Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ

Энтертайнмент6 өдөр өмнө

Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна

Энтертайнмент6 өдөр өмнө

“Сөүлийн найрамдлын фестиваль” олон улсын арга хэмжээ үргэлжилж байна

Улс төр6 өдөр өмнө

АН-ын бүлэг болон ЧУУЛГАН хуралдана