Боксын ДАШТ: Б.Чинзориг өнөөдөр Мексикийн Эрнандестай тулалдана

Сербийн нийслэлд сонирхогчдын боксын ДАШТ үргэлжлэн явагдаж байна.

Өнөөдөр (2021.11.01) 67 кг-ын жинд Б.Чинзориг Мексикийн Марко Эрнандестай өрсөлдөнө. Марко энэ ДАШТ-д эхний хоёр тойрогт Унгар, Кенийн тамирчдыг 5:0 илт давамгайлан ялсан юм.

Б.Чинзориг эхний тойрогт Гватемалын Карлос Тобартай тулалдаж, 4:1 ялсан. Дараа нь Лондоны олимпын хүрэл медальт, 2011 оны ДАШТ-ий хүрэл медальт, 2015 оны Европын наадмын мөнгөн медальт, Европын АШТ-ий хүрэл медальт Италийн Винченцо Манджакапретай өрсөлдөж, 5:0 ялалт байгуулсан.

Мексикийн тамирчныг ялахад Казахстаны Аблайхан Жусуповтай таарах магадлал өндөр.