Энтертайнмент
Европын арван улс Катар-2022 ДАШТ-д орох эрхээ авлаа
2022 оны арваннэгдүгээр сард Катар улсад эхлэх хөл бөмбөгийн дэлхийн аварга шалгаруулах тэмцээний урьдчилсан шатны тоглолтууд үргэлжилж байна.
Европ тивийн урьдчилсан шатанд нийт 55 баг 10 хэсэгт хуваагдан өрсөлдсөнөөс хэсэг бүрээс хамгийн өндөр оноо авсан 10 баг ДАШТ-д орох эрхээ авлаа.
- А хэсгээс Серби
- B хэсгээс Испани
- C хэсгээс Швейцар
- D хэсгээс Франц
- E хэсгээс Бельги
- F хэсгээс Дани
- G хэсгээс Нидерланд
- H хэсгээс Хорват
- I хэсгээс Англи
- J хэсгээс Герман тус тус шалгарлаа.
Европ тивээс үлдсэн цөөн эрхийн төлөө 12 баг хасагдах шатанд тоглоно. Ингэхдээ арван хэсгээс оноогоороо хоёрдугаар байр эзэлсэн 10 баг болон Nations League-ээс өндөр оноотой хоёр баг оролцоно.
- А хэсгээс Португал
- B хэсгээс Швед
- C хэсгээс Итали
- D хэсгээс Украин
- E хэсгээс Уэльс
- F хэсгээс Шотланд
- G хэсгээс Турк
- H хэсгээс ОХУ
- I хэсгээс Польш
- J хэсгээс Умард Македон
- Nations League-ээс Чех болон Австри улсууд хасагдах шатанд тоглоно.
Хасагдах шатны сугалаа арваннэгдүгээр сарын 26-нд болно.
Харин Ази тивд 12 улс гуравдугаар шатанд, Африк тивд 40 улс хоёрдугаар шатанд, Төв болон Хойд Америк тивд 8 улс гуравдугаар шатанд, Өмнөд Америк тивд 10 улс ДАШТ-ий эрхийн төлөө өрсөлдөж байна.