“Apple” 2022 онд илүү олон шинэ бүтээгдэхүүн танилцуулна

“Apple” компани 2021 онд цөөн тооны бүтээгдэхүүн шинээр гаргаж байсан бол энэ онд шинэ загварын “iPhone”, “AirPod”, “VR” төхөөрөмж зэрэг олон бүтээгдэхүүн танилцуулах товтой байна.

Тус компани 2021 онд 365 тэрбум ам.долларын орлоготой ажилласан нь түүхэн дээд үзүүлэлт болжээ. Хэдий тийм боловч өнгөрсөн онд шинээр танилцуулсан бүтээгдэхүүнүүд нь харьцангуй шинэчлэлт багатай байсан юм. Тухайлбал: дөрөвдүгээр сард танилцуулсан “Apple TV” өрсөлдөгч компаниудын ухаалаг телевизоруудаас харьцангуй үнэтэй байсан ч “A12” чип ашигласан учир ажиллагааны хувьд хоцрогдмол байжээ.

О.Цэнгэг