Дэлхий
Индонез улсад гэр бүлээс гадуур завхайрсан эмэгтэйг 100 саваадаж, эрэгтэйг нь 15 ташуурдаж шийтгэжээ
Өчигдөр Индонезын Аче мужид гэр бүлээс гадуур завхайрсан эрэгтэй, эмэгтэй хоёрыг олон нийтийн өмнө шийтгэх ажиллагаа явагджээ.
Ингэхдээ нэлээд ялгаатай шийтгэлийг оноож, хэрэгжүүлсэн байна. Тухайлбал эмэгтэйг нь 100 удаа саваадсан бол эрэгтэйг нь ердөө 15 удаа ташуурджээ.
Эмэгтэй нь гэр бүлээсээ гадуур хүнтэй бэлгийн харьцаанд орсноо хүлээн зөвшөөрсөн тул хүнд шийтгэл оноож, эрэгтэй нь гэм буруугаа няцаасан тул хөнгөн шийтгэл оноосон болохыг Зүүн Ачегийн прокурорын газрын мөрдөн байцаах тасгийн тэргүүн Айван Нажжар Алави тайлбарласан байна. Шүүх эрэгтэйд нь хүнд шийтгэл оноох үндэслэл олоогүйг тэр ярьжээ.
Индонез бол дэлхийн хамгийн олон хүн амтай Исламын шашинт орон. Гэхдээ тус улсын зөвхөн Аче мужид шариатын хууль хэрэгждэг юм.
2005 онд төв засгийн газартайгаа автономит эрх эдлэх гэрээ байгуулсан Аче мужид шашны илүү хуучинсаг ёс журам мөрдөгддөг ажээ.
Уг мужид одоо гэр бүлээс гадуур завхайрсан, мөрийтэй тоглоом тоглосон, согтууруулах ундаа хэрэглэсэн, ижил хүйстний харилцаанд орсон хэргүүдэд олон нийтийн өмнө ташуурдах, саваадах шийтгэл оноодог.
Хүний эрхийн байгууллагууд харгис хэрцгий шийтгэл оноодог явдлаа зогсоохыг Ачегийн эрх баригчдад байнга уриалдаг ч үр дүнд хүрдэггүй байна. Индонезын ерөнхийлөгч Жоко Видодо бас хуучинсаг ёс журмаа өөрчлөхийг тус мужийн эрх баригчдад уриалж байжээ. Гэвч Аче мужийн иргэдийн олонх ийм шийтгэлийг дэмжсээр байгаа юм.
Эх сурвалж: AFP
Хятадын оюутнуудын эсрэг хориг — Америкийн өөрийн хөгжилд сүүдэр хаяж байна
АНУ боловсролыг “боомилж” байна
Ли Чян эдийн засгийн форумын нээлтэд оролцож үг хэлэв
Дэлхийн роботын тулааны тэмцээн амжилттай өндөрлөлөө
Ши Жиньпин Фу Дань их сургуулийн 120 жилийн ойд баяр хүргэв
Номхон далайн арлын орнуудын Хятадын талаарх санал асуулгын жагсаалтыг гаргав
Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги
П.Наранбаяр: Цалин нь бага учраас эрэгтэй багшийн тоо ихээхэн цөөрсөн
Ажлын таван өдөр УИХ-ын нэгдсэн чуулган бүтэн хуралдана
Ц.Лут-Очирын биед учирсан хохирлыг тогтоохоор шинжээч томилжээ
Бүгд Найрамдах Австри Улсын Ерөнхийлөгчийг албан ёсоор угтаж авлаа
Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ
Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна
“Сөүлийн найрамдлын фестиваль” олон улсын арга хэмжээ үргэлжилж байна
