Жонни Деппт Сербийн “Гавьяаны төлөө” медаль гардуулна

Холливудын нэрт жүжигчин Жонни Депп Сербийн “Гавьяаны төлөө” алтан медалиар шагнуулжээ.

Сербийн төр Сербийн урлагийг таниулан хөгжүүлэхэд оруулсан хувьд нэмрийг нь үнэлэн энэхүү шагналыг олгожээ. Медалийг хоёрдугаар сарын 15-нд Сербийн Улс тунхагласны өдөр түүнд гардуулах юм байна.

2021 оны аравдугаар сард Жонни Депп Сербид “Archangel Digital Studios” компанийн бүтээл “Puffins Impossible” цуврал хүүхэлдэйн киног танилцуулжээ. Милош Биковичийн энэхүү цувралыг Сербийн Соёл, мэдээллийн яамны дэмжлэгтэй бүтээсэн байна.

Алдарт жүжигчнийг Белград хотод айлчлах үеэр Сербийн Ерөнхийлөгч Александар Вучич хүлээн авч, Холливудын оддын оролцоотой ийм кино, цуврал бүтээх нь Сербийн урлагийн салбарыг хөгжүүлэх, Сербийг дэлхий дахинд сурталчлахад чухал үүрэгтэй болохыг онцлон тэмдэглэжээ.

Жонни Депп олон улсын соёлын тавцанд Серби улсыг таниулан сурталчлах ажлаа үргэлжлүүлэхээ амласан байна.

Депп Сербийн кино урлагтай урт хугацаанд хамтран ажиллаж байна. 1990-ээд оны эхээр тэрбээр Сербийн найруулагч Эмир Кустурицагийн “Аризоны мөрөөдөл” кинонд тогложээ. Энэхүү бүтээл нь Берлиний кино наадмын шүүгчдийн тусгай шагналыг хүртэж байв.