“Мандала” хотхонд барилга барьж буй ажилчдын байр шатжээ

“Мандала” хотхонд гал гарсан талаар Нийслэлийн онцгой байдлын газраас тодрууллаа. Тус газрын хэвлэлийн төлөөлөгч н.Бурмаа мэдээлэхдээ “Баянзүрх дүүргийн 26 дугаар хороо, “Мандала” хотхонд баригдаж байгаа барилгад гал гарч байна гэсэн дуудлага өнөөдөр (2022.02.20) 17:11 цагт Нийслэлийн онцгой байдлын газарт ирсэн.

Дуудлагын дагуу Гал түймэр унтраах, аврах ангийн ээлжийн бүрэлдэхүүнийг очиход  Баянзүрх дүүргийн 26 дугаар хороонд шинээр баригдаж байгаа барилгын зоорийн давхарт 2.5х10 хэмжээтэй ажилчдын түр байр бүрэн шатсан байсан. Галыг бүрэн унтраасан бөгөөд гал гарсан шалтгааныг тодруудахаар ажиллаж байна. Галын улмаас гэмтэж бэртсэн хүн байхгүй” гэв.