БНХАУ төмрийн хүдрийн үнийг хянах зорилгоор төвлөрсөн платформ бий болгоно

БНХАУ төмрийн хүдрийн үнийн өсөлтөд хяналт тавих зорилгоор төвлөрсөн платформ байгуулахаар төлөвлөж байна.

Ингэснээр төмрийн хүдэр олборлогч компаниуд болон худалдан авагчид төвлөрсөн, Төрийн зохицуулалттай платформоор дамжуулан арилжаа хийх аж. Одоогоор БНХАУ-ын бизнес эрхлэгчид төмрийн хүдэр худалдан авахдаа үнийг хувиараа тохирч авдаг байна.

Цаашлаад төмрийн хүдрийн үнийг урт хугацаанд тогтвортой барих үүднээс энэхүү төлөвлөгөөг хэрэгжүүлэх гэж байгааг эх сурвалж мэдээллээ. Мөн түүхий эдийн үнэд үзүүлэх БНХАУ-ын нөлөөллийг нэмэгдүүлэх төлөвлөгөөнийх нь нэгэн хэсэг болохыг дурдсан байна.