ОХУ, Украин эцсийн шийдвэрт ХҮРСЭНГҮЙ

Донбасс дахь Оросын цэргийн ажиллагаа эхлээд тав дахь өдөр ОХУ, Украины талууд хэлэлцээрийн ширээний ард суулаа.

Талууд Беларусын Припять хотод ямар нэгэн урьдчилсан болзолгүйгээр уулзсан ч тодорхой шийдэлд хүрээгүй байна.

Украины Ерөнхийлөгч Владимир Зеленскийн зөвлөх Михаяло Подолякийн мэдэгдсэнээр гал зогсоох болон байлдааны ажиллагааг зогсоохыг зорьж, тодорхой шийдвэр гаргах сэдвүүдийг тодорхойлсон ч уг шийдвэрүүдийг тодорхой болгон хэрэгжүүлэхийн тулд талууд тус тусын нийслэл рүүгээ зөвлөлдөхөөр буцжээ.

Орос, Украины талууд таван цагийн турш тохиролцоо хийхээр оролдсон ч хэлэлцээ амжилтгүй боллоо гэж ажиглагчид дүгнэж байна.

Украинд одоо дэлбэрэлт, буун дуу сонсогдож, цэргийн дайралт үргэлжилж байгаа аж.