Киевийн телевизийн цамхагт болсон дэлбэрэлтийн улмаас энгийн номхон иргэд амь үрэгджээ

Киевийн телевизийн цамхаг руу Оросын зэвсэгт хүчин пуужингийн цохилт өгсний улмаас энгийн номхон иргэд амь үрэгджээ. Одоогоор амиа алдагсдын тоо тодорхойгүй байна.

Украины өргөн нэвтрүүлэг, радио холбоо болон телевизийн концерны ажилтнууд ямар нэг хохирол амсаагүй ч хажуугаар нь өнгөрч байсан хүмүүс өртсөн тухай мэдээлжээ.

Киев хотын захирагч Виталий Кличко телевизийн цамхаг руу хоёр удаа цохилт өгснөөр цамхгийг тэжээлээр хангаж байсан трансформатор болон оройных нь аппарат эвдэрсэн гэж мэдээлэв.

Тиймээс хэсэг хугацаанд телевизийн сувгууд ажиллахгүй бөгөөд Украины өргөн нэвтрүүлэг, радио холбоо болон телевизийн концерноос дамжуулалтыг сэргээхээр ажиллаж байна гэв.