ДЭМБ: Коронавирусний үүсгэврийг нарийвчлан судлах хэрэгтэй

Хятадад коронавирус анх илэрснээс хойш хоёр жил гаруйн хугацаанд дэлхий даяар цар тахлын улмаас 6.3 сая хүн нас бараад  байгаа ч КОВИД-19-ийн гарал үүсэл тодорхойгүй байна. Тэгвэл Дэлхийн эрүүл мэндийн байгууллага вирус лабораториос алдагдсан эсэхийг нарийвчлан судлах шаардлагатай гэж үзжээ.

ДЭМБ өнгөрсөн жил Ухань хотод явуулсан судалгаагаар КОВИД-19 лабораториос алдагдсан байх магадлал маш бага гэж дүгнэсэн. Олон эрдэмтэн коронавирус нь сарьсан багваахайнаас, магадгүй өөр амьтнаас хүн рүү халдварласан гэж дүгнэсэн.

Гэсэн хэдий ч өнгөрсөн пүрэв гарагт нийтэлсэн тайланд ДЭМБ-ын шинжээчдийн баг цар тахал хаанаас гаралтайг тодорхойлох нь хэвээр байгааг дурджээ. Эрдэмтэд КОВИД-19-ийн хамаатан болох SARS-ийн эх үүсвэр болсон сарьсан багваахайн төрлийг тодорхойлоход 10 гаруй жил зарцуулсан байна.