З.Энхболд: Ч.Сайханбилэг иргэншил хүсээд, Монгол дахь тухайн улсынхаа ЭСЯ-нд хандсан

Ерөнхийлөгчийн Тамгын газрын дарга З.Энхболд өнөөдөр Төрийн оронд мэдээлэл хийж, үүрэгт ажлаа хүлээлгэн өгч УИХ-ын сонгуулийн ажилдаа бэлтгэх гэж буйгаа зарлав. Энэ үеэр сэтгүүлчид түүнээс Ерөнхий сайд асан Ч.Сайханбилэг өөр улсаас орогнол хүссэн гэх мэдээлэл байгааг тодруулахад,

Тэрбээр, Сайханбилэг өөр улсаас иргэншил хүссэн. Манай улс дахь тухайн улсын Элчин сайдын яаманд хандсан байна. Сайханбилэг бол зугтаж явах биш, Монголдоо ирж үнэн зөвөө олчих хэрэгтэй байгаа юм гэв.