Казахстан улс Ши Жиньпинийг “Алтан бүргэд” одонгоор шагнав

Хятад улсын дарга Ши Жиньпин Нур Султан хотноо тухайн бүсийн цагаар есдүгээр сарын 14-нд Казахстаны Ерөнхийлөгч К.Токаеваас “Алтан бүргэд” одон гардлаа. Одон гардуулах ёслол Ерөнхийлөгчийн ордонд болжээ.

“Алтын Кыран” буюу “Алтан Бүргэд” гэх уг одон нь Казахстан улсын төрийн дээд шагнал бөгөөд тус улсын бүтээн байгуулалтад чухал хувь нэмэр оруулсан зүтгэлтнүүд болон найрсаг харилцаанд онцгой үүрэг гүйцэтгэсэн гадаадын төрийн тэргүүнүүдийг шагнадаг уламжлалтай.