Хан-Уул дүүргийн 27 байршилд явган хүний замыг шинэчлэн, засварлажээ

Нийслэлийн хэмжээнд явган хүний замыг стандартад нийцүүлэн засаж, шинэчлэх ажил хийгдэж буй. Тухайлбал, Хан-Уул дүүргийн 27 байршилд явган хүний замыг шинэчлэн, засварласан байна.

Энэ оны есдүгээр сарын байдлаар тус дүүргийн 1, 2, 3, 4, 11, 12, 19, 20, 21 дүгээр хороонд 5,656.1 м.кв талбайн явган хүний замыг шинэчилж, эвдрэлтэй 650 м.кв замыг нөхөн засварлажээ.
Түүнчлэн нийслэлийн найман байршилд 36,000 ам метр талбай бүхий явган хүний замыг шинэчилсэн талаар өмнө нь мэдээлсэн. Тодруулбал, нийт 16.6 километр гудамжинд 80,000 ам метр талбай бүхий явган хүний замыг шинэчлэхээс одоогийн байдлаар найман байршилд 36,000 ам метр нь буюу 45 хувийг нь шинэчилсэн.

Эх сурвалж: Нийслэлийн сургалт, судалгаа, олон нийттэй харилцах газар