Багшаар мэргэшиж буй оюутнуудыг урамшуулав

ХКН-ын Төв хорооны Ерөнхий нарийн бичгийн дарга Ши Жиньпин есдүгээр сарын 7-нд Бээжингийн Багшийн их сургуулийн “Шилдэг багш” хөтөлбөрт хамрагдан сурч буй оюутан сурагчдад хариу захидал бичиж, Бээжингийн Багшийн их сургууль байгуулагдсаны 120 жилийн ой, 38 дахь удаагийн багшийн баярыг угтан тус сургуулийн багш, оюутан, ажилтан, төгсөгчдөд баяр хүргэхийн ялдамд Хятад улсын бүх багш нарт баярын өдрийн ерөөл зөгнөл дэвшүүлэв.

Ши Жиньпин: “Сурлагын хугацаандаа та нар хичээл зүтгэл болон сургалтын практикаар дамжин мэдлэг эрдмээ нэмэгдүүлж, хараагаа өргөтгөж, боловсролын анхан шатны байгууллагад очиж хичээл ном зааж сурагч хүмүүжүүлэхийн итгэл үнэмшлээ бататгасан явдалд би маш баяртай байна” гэжээ.

2021 онд Хятад улсаас хэрэгжүүлж эхлүүлсэн “Төв Баруун бүсийн хөгжлөөр тааруу нутагт шилдэг багш бэлтгэх зорилтот төлөвлөгөө”-ний хүрээнд Боловсролын яамны шууд харьяанд байдаг ердийн их дээд сургууль болон орон нутгийн коллежууд зорилтот арга хэмжээ хэрэгжүүлж, ядуурлаас ангижирсан, төв баруун бүсийн хил хязгаарын нийт 832 шяний дунд бага сургуульд жил бүр 10 мянга орчим багш бэлтгэн өгч байна. Бээжингийн Багшийн их сургуулийн “Шилдэг багш” хөтөлбөрт хамрагдан багшийн мэргэжлээр сурч буй оюутан сурагчдын төлөөлөл саяхан Ши Жиньпинд захидал бичиж, хичээлээ эхлүүлснээс хойших сурлагын ололт амжилтаа танилцуулж, төгссөнийхөө дараа боловсролын анхан шатны байгууллагад ажиллаж сурагч хүмүүжүүлэхийн шийдвэр зоригоо илэрхийлсэн байна.