“Хөршийн нүүдэл” нэвтрүүлгийн талаар санал бодлоо солилцов

Монгол улсын томоохон хэвлэл мэдээллийн хэрэгслийн нэг NTV телевизийн “хөршийн нүүдэл” нэвтрүүлэг цацагдаж эхлээд тав гаруй сар болж байгаа бөгөөд Хятад улсын нийгэм эдийн засаг, шинжлэх ухаан технологи, улс төрийн үйл хэрэг зэрэг олон салбарын тухай мэдээллийг монголчуудад долоо хоног тутам 15 минутын тусгай нэвтрүүлгээр хүргэсээр ирэв.

11-р сарын 24-нд, “Хөршийн нүүдэл” нэвтрүүлгийг бэлтгэн хүргэдэг сэтгүүлчидтэй Хятадын Төв Радио Телевизийн Ази Африкийн нэвтрүүлгийн төвийн Монгол хэлний редакцын “АНД” студын хамт олон цахим уулзалт хийв. Уулзалтаар хоёр тал нэвтрүүлэг хэрхэн бэлдэх, хэвлэл мэдээллийн орчин хэрхэн өөрчлөгдөж байгаа, хамтран ажиллах боломж зэрэг асуудлаар санал бодлоо солилцов.