Ковидтой тэмцэж буй Засгийн газрыг эсэргүүцсэн томоохон хэмжээний жагсаал Хятадад болж, жагсагчид Засгийн газрыг эсэргүүцсэн үг хэллэгтэй лоозон барьцгаажээ.
Бээжин, Шанхай зэрэг хотуудын гудамжинд олон мянган хүн гарцгааж, эсэргүүцлийн хөдөлгөөнд нэгджээ. Хүмүүсийг цагдаагийн машинд ачиж байсан талаар сурвалжлагч нар мэдээлсэн байна.
Түүнчлэн Бээжин, Нанжины их сургуулийн оюутнууд мөн хөдөлгөөн өрнүүлжээ. Дэлхийн санхүүгийн төв гэгддэг Хятадын Шанхай хотод болсон жагсаалын үеэр хүмүүс “Ши Жинпин, огцор! “Коммунист нам огцор!” хэмээн хашхирцгааж, лоозон өргөцгөөж байсан гэнэ. Ийм үгтэй уриа лоозон өргөх нь Хятадад энгийн үзэгдэл биш бөгөөд Засгийн газрыг эсэргүүцсэн ямар ч хүний хувь тавилан таагүй явдлаар төгсдөг гэжээ.
Бээжин хот, өглөө 05:30 цагт
Гэвч Засгийн газар магадгүй “тэг ковид” бодлогыг эсэргүүцэгчид нэмэгдэж буйг төдийлөн сайн тооцоолоогүй байж магадгүй гэж шинжээчид үзэж байгаа аж. Ши Жинпин дахин сонгогдохдоо энэ бодлогыг цаашдаа ч үргэлжлүүлэхээ амласан юм.
Шанхайн жагсаалд оролцсон нэг хүн гадаа ийм олон хүн цугласныг үзээд “маш их цочирдож, санаа зовсон” хэмээгээд түүний хувьд Хятадад ийм өргөн хүрээг хамарсан анхны эсэргүүцлийн хөдөлгөөн болж байна гэжээ. Бас нэг хүн цагдаа нар найзыг нь зодож, бас хоёр хүний нүд рүү нулимс асгаруулагч цацсан гэж ВВС агентлагт ярьсан байна.
Хүмүүс ямар ч үггүй цагаан цаас барьцгаан эсэргүүцлээ илэрхийлжээ
Шанхай хотод ням гарагийн өглөө гэхэд жагсаал намжсан ч гудамжинд хэдэн зуун цагдаа, хамгаалагч нар зогсоцгоосон талаар ВВС мэдээлэв. Мөн Хятадын нийгмийн сүлжээнд Шинжаан Уйгарын Өрөмчин хотод мөн олон нийтийг хамарсан жагсаал болж буйг илтгэх бичлэгүүд тавигджээ. Тэд эсэргүүцлээ илэрхийлэхдээ ямар ч үггүй цагаан цаас барьжгаажээ.
Эх сурвалж: ВВС
