Н.Учрал: Троллчид буюу уул, ус, хадны зурагтай хүн биш, хүн хогнуудыг би шүүмжилж байгаа юм

ЦХХХ-ны сайд Н.Учрал, Ажлын хэсэгт ХЭҮК, хэвлэл мэдээллийнхэн, олон нийтийн байгууллагуудаас тодорхой саналуудыг өгсөн. Энэ хуулийн төсөл анх 2017 онд боловсруулагдсан. Холбогдох байгууллагууд болон олон улсын байгууллагуудын судалгааны хувьд хангалттай бүрдсэн олон жил хүлээгдсэн хуулийн төсөл юм.
ХЭЗК-оос ажлын хэсэгт орж тодорхой саналуудаа тусгасан. Жишээ нь, цахимаар залилах гэмт хэрэг нэг жилийн дотор 93.8 хувиар, цахимаар хүүхдэд садар самууны сурталчлах гэмт хэрэг 2.8 дахин өссөн.

Эрүүгийн хуулийн 34 төрлийн гэмт хэргийн 94 хувь нь цахим орчинд үйлдэгдэж байна гэсэн судалгаа бий. Энэ тоо өдөр ирэх тусам нэмэгдэж буй тул энэ хуулийн төслийг даруй баталж, гэмт хэргээс сэргийлэх зорилтоор контентууд дээр нь холбогдох үйлчилгээ үзүүлэх байгууллагуудтай харилцах сувгийг тодорхой болгох шаардлагатай.

Сүлжээний үйлчилгээ үзүүлэх Файсбүүк компани Монгол дахь сувгаа тодорхой болгож бидэнтэй хамтарч ажиллаач. Европын холбооны 28 улс бидэнтэй гэрээ байгуулж, хуулийн дагуу үйл ажиллагаа явуулж байна. Хууль эрхзүйн орчин бүрдүүлбэл бид төлөөлөгчийн газар байгуулж, гэмт хэрэг гарахаас сэргийлэх ажлыг хамтарч хийе гэсэн саналуудыг илэрхийлсэн.

Төрийн албан тушаалтан болон нийтийн албан тушаалтны хувийн мэдээлэл, банк санхүүгийн гүйлгээний мэдээллийг олон нийтийн дунд гаргаж тавьдаг. Иргэд иргэдийнхээ мэдээллийг ингэж зөвшөөрөлгүй нийтэлдэг байж болохгүй гэж үзэж, хуулийн төслийн 6-гийн 3 дахь заалтыг буруу ойлгож, шүүмжилж байна. Тиймээс эцсийн хэлэлцүүлэг дээр УИХ-ын даргын өгсөн чиглэлийн дагуу 6-гийн 3 дахь энэ заалтыг хассан. Мөн нэр бүхий сэтгүүлчдийн гаргасан саналын дагуу төслөөс “олон нийтэд нөлөө бүхий…” гэсэн заалтыг төслөөс хассан.

Энэ хууль нь төрийн гэмт хэрэг гарахаас сэргийлсэн, хохирогчдыг хамгаалсан хууль болсон. Тиймээс би троллчид буюу уул, ус, хадны зурагтай хүн биш, хүн хогнуудыг шүүмжилж байгаа юм. Троллчид энэ асуудалд битгий оролцоорой. Ард түмэн харж байна. Цахим орчинд гэмт хэрэг цаг, минут тутам гарч байга тул хуулиа хурдан батлах шаардлагатай байна гэв.

Сайд Н.Учралын үг хэлсний дараа УИХ-ын гишүүн О.Цогтгэрэл, Бид нөхцөл байдлыг тодруулж ярилцах шаардлагатай. Үндэсний аюулгүй байдалтай холбоотой ч олон зүйл байгаа учир АН-ын бүлэг тав хоногоо больж, өнөөдөр 14.00 цаг хүртэл завсарлага авах хүсэлт тавьсныг УИХ-ын дарга дэмжив.

УИХ-ын дарга Г.Занданшатар, Энэ асуудалд нухацтай хандах нь зүйтэй. Үндэсний аюулгүй байдлын баталгаа нь ардчилал, хүний эрх, эрх чөлөө. Олон нийтийн сүлжээнд хүний эрх маш их зөрчигдөж байгаа. Хүний эрхийг зөрчсөн 8000 гаруй гэмт хэрэг бүртгэгдсэн. Цаана нь бүртгэгдээгүй хэрэг ч маш олон. Бусдыг өөрийн нэрээр ил тод шүүмжлэх, шүгэл үлээх хэрэгтэй. Троллууд гадаад, дотоодын сонирхлоор иргэдийн амгалан тайван байдлыг алдагдуулсан, төөрөгдүүлсэн  ноцтой зохион байгуулалттай хэргүүд маш их гарч байгаа. Нийгмийн сүлжээнд эерэг, сөрөг тал олон бий.