Хоошёорюү “Фүжи ТВ” барилдаанд үзүүрлэлээ

Японы Фүжи телевизийн нэрэмжит сүмо бөхийн барилдаан энэ сарын 5-нд Кокүгикан ордонд явагдлаа.

Тэмцээнд маэгашира Дайэйшёо түрүүлж, сэкивакэ Хоошёорюү үзүүрлэлээ. Манй бөх энэ тэмцээнд анх удаагаа оролцож байгаа нь энэ бөгөөд “Гэмтлээ сэдрээхээс болгоомжлон, болгоомжлон барилдлаа. Үзүүр түрүүнд үлдэж чадсандаа баяртай байна. Энэ тэмцээнд ирэх жил түрүүлэхээр хичээх болно” гэж сэтгүүлчдэд ярилаа. Фүжи телевизийн нэрэмжит барилдааны түүхэнд ганцхан бөх гурав дараалан түрүүлсэн нь түүний авга ах Асашёорюү юм.