НАТО: ОХУ Бахмутад Украинаас тав дахин олон цэргээ алдсан

Өрнөдийн тагнуулынхны мэдээллээр ОХУ Бахмутад Украинтай харьцуулахад тав дахин олон цэргээ алдсан тухай НАТО-гийн төлөөлөгч CNN-ий сэтгүүлчдэд мэдээлжээ.

Дээрх дүгнэлтийг олон хүчин зүйлд дүн шинжилгээ хийсний үндсэн дээр гаргасан байна. Хэдий тийм боловч Украин ч маш олон хүнээ алдсан гэжээ.

Бахмутын төлөөх дайнд Оросын армид томоохон цохилт өгсөн нь хотыг хамгаалагчдын гол үүрэг байсан гэж Киев нэг бус удаа мэдэгдэв.

Дайн судлалын хүрээлэн (ISW) Бахмутыг эзлэх Оросын армийн оролдлого нь бусад бүс нутгуудад довтлох чадварыг бууруулаад байна гэжээ. Тус хүрээлэнгийн тайланд “Оросын арми ойрын саруудад шинэ довтолгоо явуулахад хүндрэлтэй байх магадлалтай. Энэ нь Украинд боломж олгож байна” гэж дурдсан байна.

Эх сурвалж: CNN